ក្រុមកការងាថ្នាក់ជាតិ និងថ្នាក់ខេត្តព្រះវិហារ ប្រគេនទៀនវស្សាជូនព្រះសង្ឃចំនួន ០៨វត្ត ក្នុងស្រុកសង្គមថ្មីជាមួយនិងការដាំកូនឈើក្នុងបរិវេនវត្ត
ព្រះវិហារ ៖ ក្រុមកការងាថ្នាក់ជាតិ មានលោក ចាន់ នន់វិទ្យា ជាប្រធានក្រុមការងារថ្នាក់ជាតិចុះជួយស្រុកសង្គមថ្មី និងលោក សំ លាងទ្រី ប្រធានក្រុមការងារថ្នាក់ខេត្តចុះជួយស្រុកសង្គមថ្មី នាព្រឹកថ្ងៃព្រហស្បតិ៍ ២រោច ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៨ ខែកក្កដា ឆ្នាំ២០១៩នេះ បាននាំយកទៀនវស្សាមកប្រគេនដល់ព្រះសង្ឃចំនួន ០៨វត្ត ក្ក្នុងស្រុកសង្គមថ្មី ហើយក្រុមការងារក៏បានដាំកូនឈើក្នុងបរិវេនវត្តផងដែរ។ មន្ត្រីក្នុងជួរក្រុមការងារចុះជួយស្រុកសង្គមថ្មី បានអោយដឹងថា នៅ ព្រឹកថ្ងៃទី១៨ ខែកក្កដា ឆ្នាំ២០១៩នេះ ក្រុមការងារចុះជួយស្រុកសង្គមថ្មី បានរៀបចំពិធីវេរទៀនវស្សា ប្រគេនទេយ្យវត្ថុ បច័្ចយ និងគ្រឿងបរិក្ខារ នៅវត្តប្រាសាទព្រះខ័ន ក្នុងឃុំរណសិរ្យ ស្រុកសង្គមថ្មី ខេត្តព្រះវិហារ ដែលជដែលជាសទ្ធាជ្រះថ្លារបស់លោក ចាន់ នន់វិទ្យា ប្រធានក្រុមការងារថ្នាក់ជាតិចុះជួយស្រុកសង្គមថ្មី និងលោក សំ លាងទ្រី ប្រធានក្រុមការងារថ្នាក់ខេត្តចុះជួយស្រុកសង្គមថ្មី រួមទាំងលោក លោកស្រី ជាប្រធានក្រុមការងារថ្នាក់ខេត្តចុះជួយឃុំទាំង៥ ថ្នាក់ដឹកនាំ និងមន្រ្តីរាជការរដ្ឋបាលស្រុកសង្គមថ្មី និងមន្ទីរជំនាញពាក់ព័ន្ធទាំងអស់ ប្រគេនព្រះសង្ឃចំនួន ០៨វត្ត ក្នុងស្រុកសង្គមថ្មី នៃខេត្តព្រះវិហារ សម្រាប់ពិធីបុណ្យចូលវស្សាកាលពីថ្ងៃម្សិលមិញកន្លងមកនេះ។ បន្ទាប់មកក្ដើន្ទាប់មកក្រុមការងារបានចូលរួមដាំដើមឈើក្នុងបរិវេណទីធ្លាវត្តនោះផងដែរ។
គួរបញ្ជាក់ថា ពាក់ព័ន្ធនឹងពិធីបុណ្យចូលកាន់ព្រះវស្សានេះ នឹងត្រូវធ្វើឡើង ក្នុងរយៈពេល៣ខែ ដោយចាប់ពីថ្ងៃ១រោច ខែអាសាឍ ត្រូវនឹងថ្ងៃទី១៧ ខែកក្កដា រហូតដល់ថ្ងៃ១៥កើត ខែអស្សុជ ត្រូវនឹងថ្ងៃទី១៣ ខែតុលា ឆ្នាំ២០១៩ ហើយក្នុងរយៈពេលនេះព្រះសង្ឃគ្រប់អង្គ ត្រូវការភ្លើងបំភ្លឺ ដើម្បីសិក្សារៀនសូត្រខាងព្រះពុទ្ធសាសនា ហើយត្រូវការទេយ្យវត្ថុផ្សេងៗ សម្រាប់ផ្គត់ផ្គង់ ព្រោះរយៈពេលចូលវស្សា គឺជារដូវភ្លៀង ព្រះសង្ឃពិបាកក្នុងនិមន្តបិណ្ឌបាតនៅតាមទីដ៏ទៃ។ ដូចនេះ ទៀនព្រះវស្សា និងទេយ្យវត្ថុផ្សេងៗ ដែលនឹងត្រូវវេរប្រគេនព្រះសង្ឃ គឺជាការចាំបាច់បំផុត ជាទានដ៏ប្រពៃ ទទួលបាននូវបុណ្យកុសលពេញដោយបរិបូរណ៍តាមជំនឿ៕