រថយន្តដាច់ហ្វ្រាំងក្រឡាប់ធ្លាក់ពីលើផ្លូវឡើងភ្នំ លើកំណាត់ផ្លូវជាតិលេខ៦៧ បណ្តាលឲ្យរងរបួសធ្ងន់ ចំនួន ០៣ នាក់

នៅថ្ងៃទី១៨ ខែកក្កដា ឆ្នាំ២០១៩ វេលាម៉ោង១៤ មានករណីគ្រោះថ្នាក់ចរាចរ មួយកើតឡើងនៅលើកំណាត់ផ្លូវជាតិលេខ៦៧ ចំណុចចំរាក់ទី១ ផ្លូវឡើងភ្នំ ស្ថិតនៅភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ដោយរថយន្តម៉ាក់ត្រៃណូ ព៌ណលឿង ពាក់ស្លាកលេខភ្នំពេញ 5A 0829 បើកបរចុះពីលើភ្នំ ដល់ចំណុចកើតហេតុបានដាច់ហ្វ្រាំងក្រឡាប់ធ្លាក់ពីលើផ្លូវ បណ្តាលឲ្យរងរបួសធ្ងន់ ចំនួន ០៣ នាក់ ប្រុស និងរថយន្តត្រូវខូចទាំងស្រុង រួមមានឈ្មោះដូចខាងក្រោម ៖

១- ឈ្មោះ ឈួន អូរ ភេទប្រុស អាយុ២៣ ឆ្នាំ រស់នៅភូមិសាវាំង ឃុំស្វាយជ្រុំ ស្រុកមេសាង ខេត្តព្រៃវែង រងរបួសធ្ងន់ ( ជាអ្នកបើកបរ )
២- ឈ្មោះ កែង ផ្លូវ ភេទប្រុស អាយុ៤០ ឆ្នាំ រស់នៅភូមិជាមួយគ្នា រងរបួសធ្ងន់
៣- ឈ្មោះ លឺញ ម៉ៅ ភេទប្រុស អាយុ១៨ ឆ្នាំ រស់នៅភូមិជាមួយគ្នា រងរបួសធ្ងន់ ។

ករណីនេះ អធិការនគរបាលស្រុក បានចាត់កម្លាំងចុះទៅកាន់កន្លែងកើតហេតុភ្លាមៗ ជួយអន្តរាគមន៍យកជនរងគ្រោះ មកកាន់បន្ទីពេទ្យបង្អែកស្រុក ៕