ACUឃាត់ខ្លួន ប្រធាន អនុប្រធាន មន្ទីរសុរិយោដីខេត្តពោធិ៍សាត់ និងមន្ត្រីសុរិយោដីខេត្តទទួលបន្ទុកច្រក
ពោធិ៍សាត់៖ លោកឱម យិនទៀង ប្រធានអង្គភាពប្រឆាំងអំពើពុករលួយ (ACU)បានដឹកនាំកម្លាំងសមត្ថកិច្ចឃាត់ខ្លួនមនុស្សចំនួន៣នាក់ គឺប្រធាន អនុប្រធាន មន្ទីរសុរិយោដីខេត្តពោធិ៍សាត់ និងមន្ត្រីសុរិយោដីខេត្តទទួលបន្ទុកច្រក នៅព្រឹកថ្ងៃទី២៧ ខែកក្កដា ឆ្នាំ២០១៩ នៅភោជនីយដ្ឋានមហាលាប ក្រុងពោធិ៍សាត់ កន្លែងដែលលោកនិងម្ចាស់ដីជួបគ្នាដើម្បីប្រគល់លុយ។
យោងតាមប្រភពបានបញ្ជាក់ថា មន្ត្រីដែលអង្គភាពប្រឆាំងអំពើពុករលួយ ឃាត់ខ្លួននេះ រួមមាន ១) ឈ្មោះ លៀម ប៊ុនរឿន ប្រធានមន្ទីសុរិយោដីខេត្តពោធិ៍សាត់ ២) ឈ្មោះ ជាង វុទ្ធី អនុប្រធានមន្ទីទទួលការងារសំណង់ និង៣) ឈ្មោះ តែ ប៊ុនថេង មន្ត្រីសុរិយោដីខេត្តទទួលបន្ទុកច្រក។
ប្រភពពីសមត្ថកិច្ចបានបញ្ជាក់ថា ក្រោយការចាប់ខ្លួនប្រធានមន្ទីរសុរិយោដីខេត្តពោធិ៍សាត់ កម្លាំងជំនាញបានយកមកសួរនាំនៅភ្នំពេញ៕
