ឡានដឹកមាន់ និងឡានដឹកកម្មកររោងចក្រ បុកគ្នា របួសកម្មករច្រើននាក់

ម៉ោង6.40នាទីព្រឹកថ្ងៃទី31កក្កដា2019 មានគ្រោះថ្នាក់សារាចរមួយបាននៅមុខការាស់សាំសូគីមិច​ ក្បែរសួនថ្មី​ សង្កាត់ព្រៃឆ្លាក់ ក្រុងស្វាយរៀង បង្កដោយឡានដឹកមាន់ និងឡានដឹកកម្មកររោងចក្រ។

នគរបាលមូលដ្ឋាន បានឲ្យដឹងថា មានករណីគ្រោះថ្នាក់ចរាចរ បានកើតឡើងដោយរថយន្តដឹកមាន់ ឡើងវ៉ាជែងមិនប្រយ័ត្នក៏ ទៅបុករថយន្តដឹកកម្មករពេញទំហឹង បណ្តាលឲ្យជនរងគ្រោះចំនួន ៣៥ នាក់រងរបួស នៅចំណុច ស្ថិតនៅភូមិសួនថ្មី សង្កាត់ព្រៃឆ្លាក់ ក្រុងស្វាយរៀង ខេត្តស្វាយរៀង

ករណីគ្រោះថ្នាក់ចរាចរនេះ ដោយមូលហេតុ រថយន្តដឹកមាន់ឡើងវ៉ាជែងមិនប្រយ័ត្នក៏ទៅបុករថយន្តដឹកកម្មករពេញទំហឹង។ ជនរងគ្រោះបឋមចំនួន ៣៥ នាក់ របួសធ្ងន់ ស្រាល ប្រុស ៥ នាក់ (មិនមានស្លាប់) កំពុងសម្រាកព្យាបាលនៅមន្ទីរពេទ្យបង្អែកខេត្តស្វាយរៀងទាំងអស់។
ភ្នាក់ងារប្រចាំការនៅមន្ទីរពេទ្យបង្អែកនិងមន្ត្រី បុគ្គលិកប.ស.សខេត្តស្វាយរៀងកំពុងចាំសម្របសម្រួលបន្ត៕