ពួកតាលីបង់ដាក់គ្រាប់មីននៅគែមថ្នល់ រថយន្តបឺសមួយគ្រឿងបើកកិនផ្ទុះ ស្លាប់២៨នាក់
អាហ្វហ្គានីស្ថាន ៖ មនុស្ស២៨នាក់ ដែលភាគច្រើនជានារី និងកុមារ បានត្រូវស្លាប់ ពេលរថយន្តបឺសមួយគ្រឿងត្រូវគ្រាប់មីនដែលដាក់នៅគែមថ្នល់ដោយពួកតាលីបង់ បណ្តាលឲ្យផ្ទុះប៉ើងរថយន្ត កាលពីព្រឹកថ្ងៃទី៣១ ខែកក្កដា ឆ្នាំ២០១៩ នៅភាគខាងលិចប្រទេសអាហ្វហ្គានីស្ថាន ។
អ្នកនាំពាក្យម្នាក់របស់ប៉ូលិសខេត្តហ្វារ៉ាហ៍ នាភាគខាងលិចអាហ្វហ្គានីស្ថាន បាននិយាយថា នាព្រឹកនោះ វេលាម៉ោង៦ម៉ោងក្នុងស្រុក រថយន្តបឺសមួយគ្រឿង ដែលរត់រវាងក្រុងកាន់ដាហារ និងក្រុងហេរ៉ាត បានត្រូវគ្រាប់មីនដែលពួកតាលីបង់ដាក់នៅគាមថ្នល់។ ពេលនេះមានអ្នកស្លាប់២៨នាក់ ហើយមនុស្ស១០នាក់ទៀតរងរបួស។ មីននោះដាក់សំដៅវាយប្រហារលើកងកម្លាំងសន្តិសុខ ហើយចំនួនជនរងគ្រោះអាចមានច្រើនជាងនេះទៀត។
