ប្រជាជនមួយគ្រួសាររងគ្រោះដោយ ដើមត្នោតរលំសង្កត់ផ្ទះរបួស៣នាក់បាន ទទួលអំណោយពីអនុសាខាកាកបាទក្រហមកម្ពុជាខណ្ឌច្បារអំពៅ

ភ្នំពេញ៖កាលពីរសៀលថ្ងៃទី៣១​ ខែកក្កដា​ ឆ្នាំ២០១៩​ នេះលោកស្រីហេង សុវុត្ថា អភិបាលរងខណ្ឌ​ច្បារអំពៅ​​ និងជាប្រធានអនុសាខាកាកបាទក្រហមកម្ពុជា ខណ្ឌច្បារអំពៅ បានចុះសួរសុខទុក្ខ​​ និងនាំយកអំណោយសង្គ្រោះបន្ទាន់ របស់អនុសាខាកាកបាទក្រហមកម្ពុជា ខណ្ឌច្បារអំពៅ ជូនគ្រួសារលោក​ ​ឈិត​ បឿន​ អាយុ៦៦ឆ្នាំ​​ ដែលទទួលរងគ្រោះដោយសារខ្យល់កន្ត្រាក់​ បណ្តាលអោយរលំផ្ទះ​ ស្ថិតនៅភូមិព្រែកធំ១​ សង្កាត់ក្បាលកោះ​ ខណ្ឌច្បារអំពៅ រាជធានីភ្នំពេញ៕