អ្នកប្រដាល់ថៃផេត ង៉ាមក្លាយជាម្ចាស់ខ្សែក្រវាត់
ភ្នំពេញ៖ព្រឹត្តិការណ៍ខ្សែវាត់ខារាបាវទម្ងន់៦៣,៥០គីឡូក្រាមលើសង្វៀនអាស៊ីអាគ្នេយ៍ដែលចាប់ផ្ដើមពីថ្ងៃទី១១ឧសភាមកនោះបានបញ្ចបើហើយនៅថ្ងៃទី៣កក្កដា ។
ជាព្រឹត្តិការណ៍មួយមានអ្នកប្រដាលើចំនួន៨រូបចូលរួមដោយមានអ្នកប្រដាល់ថៃ៤រូបនិងអ្នកប្រដាល់កម្ពុជា៤រូបដែរ ។អ្នកប្រដាល់៤រូបចុងក្រោយដែលបានឡើងដល់វគ្គពាក់កណ្ដាលផ្ដាច់ព្រ័ត្រមានអ្នកប្រដាល់កម្ពុជាចាន់ សំអាតក្លិបអប់រំកាយស្រុកអន្លង់វែង សុខ សាវិនក្លិបឆ្មា ស សែនសុខ អ្នកប្រដាល់ថៃផេត ង៉ាម(Ohat Ngam)និងដែន សាយ៉ាម (Den Sayam) ។ចាន់ សំអាត និង ដែន សាយ៉ាមចាញ់នៅវគ្គពាក់កណ្ដាលផ្ដាច់ព្រ័ត្រ ឯសុខ សាវិននិង ភេត ង៉ាមឈ្នះនៅវគ្គពាក់កណ្ដាលផ្ដាច់ព្រ័ត្រ ។
ក្នុងការប្រកួតផ្ដាច់ព្រ័ត្រនារសៀលថ្ងៃទី៣កក្កដាសម្រាប់តំណែងចំណាត់ថ្នាក់លេខ៣នោះអ្នកប្រដាល់កម្ពុជាចាន់ សំអាតបានប្រើកណ្ដាប់ដៃផ្ដួលអ្នកប្រដាល់ថៃដែន សាយ៉ាមឲ្យសន្លប់នៅមុនស្នូរជួងបបញ្ចប់ទឹកទី១ ។ជ័យជំនះនេះធ្វើឲ្យសំអាតបានចំណាត់ថ្នាក់លេខ៣ដែលបានទទួលរង្វាន់ចំនួន១.០០០ដុល្លារ រីឯដែន សាយ៉ាមដែលចាញ់សំអាតនោះបានទទួលរងវាន់លើកទឹកចិត្តចំនួន១,០០០ដុល្លារដែរ ។
ចំពោះការប្រជែងគ្នាដណ្ដើមខ្សែក្រវាត់វិញនោះអ្នកប្រដាល់កម្ពុជាសុខ សាវិនប្រកួតចាញ់អ្នកប្រដាល់ថៃផេត ង៉ាមដោយពិន្ទុទាំងមិនអស់ចិត្ត។សាវិនបានបង្ហាញពីការចាញ់ប្រៀបគូប្រកួតរបស់ខ្លួនតើងពីដើមទឹកទី១មកម្ល៉េះ។នៅទឹកទី៤សាវិនបានវាយមួយកែងធ្វើឲ្យផេតង៉ាមមានរបួស។ទោះជាយ៉ាងណាក៏បន្ទាប់ពីប្រកួតចប់ទឹកទី៥ផេត ង៉ាមបានទទួលជ័យជំនះលើសាវិនដោយពិន្ទុ ។
ក្នុងចំណោមចៅក្រម៥រូបមាន៣រូបផ្ដល់ពិន្ទុឲ្យផេត ង៉ាមឈ្នះឯ២រូបទៀតផ្ដល់ពិន្ទុឪ្យសាវិនឈ្នះ ។ផេតង៉ាមក្លាយជាម្ចាស់ខ្សែក្រវាត់ដែលមានរង្វាន់អមចំនួន៤.០០០ដុល្លារឯសុខ សាវិនជាជើងឯករងបានរង្វាន់លួងចិត្ត២.០០០ដុល្លារដែរ ។
អ្នកប្រដាល់ទាំង២រូបនេះកាលជួបគ្នាក្នុងវគ្គវិលជុំសន្សំពិន្ទុក៏សាវិនចាញ់ផេត ង៉ាមដោយពិន្ទុដែរ ។នេះជាលើកទី២ហើយដែលសាវិនចាញ់អ្នកប្រដាល់ថៃរូបនេះ ។
