អស់អីនិយាយហើយ ពលរដ្ឋរំពឹងអីទៀត បើសូម្បីតែម៉ូតូប៉ូលិស ទុកនៅក្បែរក្លៀក ក៏ត្រូវលោកចោរលួចទៅបាត់
ភ្នំពេញ៖ លោក ឡុច លីណា ព្រះនាម១៨អូ មន្រ្តីនគរបាលប៉ុស្តិ៍ទំនប់ទឹក បានរៀបរាប់អ្នកសារព័ត៌មានថា ឲ្យជួយផ្សាយគាត់ផង គាត់អត់មានលទ្ធភាពទិញអាថ្មីទៀតទេ ហើយម៉ូតូ ដែលចោរលួចយកទៅបាត់នោះ ពាក់ផ្លាកលេខភ្នំពេញ 1HR-3424 គឺគាត់បង់រំលោះដោយញីសឈាម យកមកជិះប៉ុណ្ណោះ។
ហេតុការណ៍ចោរលួចម៉ូតូមន្រ្តីប៉ូលិសខាងលើនេះ កើតឡើងកាលពីវេលាម៉ោងជាង២ទៀបភ្លឺឈានចូលថ្ងៃសៅរ៍ ទី១០ ខែសីហា ឆ្នាំ២០១៩ នៅចំណុចលើចិញ្ចើមផ្លូវ ម៉ៅសេទុងកែងផ្លូវ១៩៣ ស្តុបទួលស្វាយព្រៃ។
លោក ឡុច លីណា បានរៀបរាប់បន្តថា បន្ទាប់ពីម៉ូតូធំ ដែលជិះប្រដេញ និងល្បាតទាំងយប់ទាំងថ្ងៃរបស់ អង្គភាពខូចម៉ាស៊ីនយកទៅឲ្យជាងជួសជុល លោកបានយកម៉ូតូផ្ទាល់ខ្លូនម៉ាក ហុងដាឌ្រីម (Dream) មកជិះល្បាតការពារសុវត្ថិភាព ជូនប្រជាពលរដ្ឋក្នុងមូលដ្ឋាន អស់ជាច្រើនម៉ោង រួចក៏ចូលគោលដៅវិញ នៅចំណុចលើចិញ្ចើមផ្លូវម៉ៅសេទុង កែងផ្លូវ១៩៣ ស្តុបទួលស្វាយព្រៃ ដោយទុកម៉ូតូជាប់ប៉ៅអ៊ីដូចសព្វដង ហើយបានសម្រាកលើប៉ៅអ៊ី ដើម្បីតម្រង់ខ្នងបន្តិច មិនដឹងថា ភ្លេចដកសោទេ ហើយក៏ដេកលង់លក់មួយភាំង ស្រាប់តែឮសឡេង បញ្ឆេះម៉ូតូ ក៏ភ្ញាក់ដឹងខ្លួន ស្ទុះងើបមើល ឃើញជនសង្ស័យជិះម៉ូតូយ៉ាងលឿនទៅបាត់តែម្ដង។
ស្រ្តីជាប្រពន្ធរបស់បង១៨អូ បានរៀបរាប់លើ ហ្វេសប៊ុកថា ” វាជាកម្លាំងញើសឈាមរបស់គាត់ ដោយប្រឹងទាំងយប់ទាំងថ្ងៃទាំងក្តៅទាំងរងា ឥឡូវត្រូវបានចោរលួចបាត់ទៅហើយ” ៕
