ម៉ូតូ២គ្រឿងបុកគ្នា បណ្តាលឲ្យស្លាប់៣នាក់ និងរងរបួសធ្ងន់២នាក់
សៀមរាប ៖ ម៉ូតូ២គ្រឿងបុកគ្នា បណ្តាលឲ្យមានមនុស្សស្លាប់៣នាក់និងរងរបួសធ្ងន់២នាក់ កាលពីថ្ងៃទី៩ ខែសីហា ឆ្នាំ២០១៩ វេលាម៉ោង៦និង៣០នាទី ត្រង់ចំណុចខាងកើតស្ពានអង្គរ ៤០០ម៉ែត្រ ភូមិក្រវ៉ាន់ សង្កាត់ នគរធំក្រុងសៀមរាប លើកំណាត់ផ្លូវវង់តូចពីចំបក់កំណប់ ទៅស្រះស្រង់ ។
តាមរបាយការណ៍បានឲ្យដឹងថា ករណីគ្រោះថ្នាក់មានម៉ូតូម៉ាក ZOOMER. X ពណ៌ ស លាយទឹកក្រូច ស្លាកកលេខសៀមរាប 1Z- 7242 បើកបរដោយឈ្មោះ ហ៊ុយ តៅហួរ ភេទប្រុស អាយុ១៧ឆ្នាំ នៅភូមិធ្លោកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប មានដឹកមនុស្សម្នាក់ឈ្មោះ ហ៊ាន ម៉េងលីហូវ ភេទប្រុស អាយុ១៦ឆ្នាំ នៅភូមិធ្លោកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប បើកម៉ូតូក្នុងទិសដៅពីលិចទៅកើត បានបុកម៉ូតូម៉ាកហុងដា ធុនC125 ពណ៌ខ្មៅ ពាក់ស្លាកលេខភ្នំពេញ 1CE- 7784 បើកបឈ្មោះ លី យ៉ែង ភេទប្រុស អាយុ២២ឆ្នាំ នៅភូមិជ្រៃ ឃុំសន្លុង ស្រុកទ្រាំង ខេត្តតាកែវ ដែលមានដឹកព្រះសង្ឃចំនួន ២អង្គ ។
របាយការណ៍បានឲ្យដឹងទៀតថា ព្រះសង្ឃទាំង២អង្គនោះមាន ៖
១/ព្រនាម ម៉េង ចិន្តា ព្រះជន្ម ១៥វស្សា គង់នៅវត្តប្រាសាទបន្ទាយក្តី រងរបួសធ្ងន់ និង
២-ព្រះនាម ហ៊ន់ យុក ព្រះជន្ម២២វស្សា គង់នៅវត្តប្រាសាទបន្ទាយក្តី រងរបួសធ្ងន់ និងខូចខាតម៉ូតូធ្ងន់ទាំង២គ្រឿង ។
តាមការសន្និដ្ឋានបានឲ្យដឹងថា មូលហេតុដែលបណ្តាលឲ្យមានគ្រោះថ្នាក់នេះ គឺបណ្តាលមកពីអ្នកបើកបរម៉ូតូម៉ាក ZoomerX ល្បឿនលឿន ។
ក្រោយកើតហេតុ កម្លាំងនគរបាលជំនាញបានចុះទៅពិនិត្យនិងធ្វើការវាស់វែងនិងធ្វើកំណត់ហេតុ ដកហូតវត្ថុតាងយកមករក្សាទុកនៅការិយាល័យជំនាញដើម្បីអនុវត្តតាមនីតិវិធីច្បាប់ ។ ចំណែកអ្នករងរបួសបានបញ្ជូនទៅសង្គ្រោះនៅមន្ទីពេទ្យក្នុងខេត្តសៀមរាប រីឯសាកសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
