មេភូមិ មេឃុំ និងប្រធានសហគមន៍ ៣នាក់ ត្រូវបានតុលាការចេញដីកាឃុំខ្លួន ដាក់ពន្ធធនាគាខេត្តកំពង់ធំ ពីបទរុករានទន្ទ្រានដីព្រៃរដ្ឋជិត៤ឆ្នាំ
កំពង់ធំ៖ កម្លាំងបរិស្ថាន និងកម្លាំងអាវុធហត្តខេត្តកំពង់ធំ ឃាត់ខ្លួនជនសង្ស័យ៣នាក់ ដែលជាប្រធានសហគមន៍ ជាមេភូមិ មេឃុំ ពីបទរុករានដីព្រៃ និងកាប់ឈូសឆាយយកធ្វើកម្មសិទ្ធិក្នុងដែនសហគមន៍តំបន់ការពារជាំម្រេច ស្ថិតនៅភូមិតាឡែក ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ។ ជនទាំង៣នាក់ខាងលើត្រូវបានលោក សេង ប៊ុណ្ណាអនុប្រធាន និងជាចៅក្រមស៊ើបសួរ នៃសាលាដំបូងខេត្តកំពង់ធំ ដែលបានចេញដីកា បង្កាប់ឲ្យឃុំខ្លួននៅពន្ធធនាគាខេត្តកំពង់ធំ។
ជនសង្ស័យ ៖ ១ ឈ្មោះ សោម ច័ន្ទគុម្ភៈ ភេទប្រុស អាយុ៤២ឆ្នាំ ប្រធានសហគមន៍តាឡែក ឃាត់ខ្លួនថ្ងៃទី០៧ ខែសីហា ឆ្នាំ២០១៩ បានចោទប្រកាន់ពីបទកាប់ កាស់ រុករាន ឆ្ការដុត ឈូសឆាយដីព្រៃ ដើម្បីយកធ្វើជាកម្មសិទ្ធិ ដែលបានប្រព្រឹត្តនៅដែនសហគមន៍តំបន់ការពារធម្មជាតិជាំម្រេច ស្ថិតនៅភូមិតាឡែក ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ កាលពីកំឡុងឆ្នាំឆ្នាំ២០១៦, ២០១៧, ២០១៩ តាមមាត្រា២០៦ កថាខណ្ឌ១ នៃច្បាប់ស្ដីពីតំបន់ការពារធម្មជាតិឆ្នាំ២០០៨ នៃក្រមនីតិវិធីព្រហ្មទ័ណ្ឌ។ ២ ឈ្មោះ សិត ហាន ភេទប្រុស អាយុ៣៣ឆ្នាំ និង៣ឈ្មោះ ហេង សារឿន ហៅ ម៉ៅ អាយុ៦៧ឆ្នាំ ទីកន្លែងកំណើត។
បើយោងតាមរបាយការណ៍របស់មន្ទីរបរិដ្ឋានខេត្តកំពង់ធំ ដែលចុះហត្ថលេខាដោយលោក ប៉ែន ធារ៉ាត កាលពីថ្ងៃទី០៨ ខែសីហា ឆ្នាំ២០១៩ ជូនទៅព្រះរាជអាជ្ញាអមសាលាដំបូងខេត្តកំពង់ធំ បានបញ្ជាក់ថា មានការលួចលក់ដីព្រៃរដ្ឋដោយខុសច្បាប់ក្នុងអំឡុងពេល៤ឆ្នាំចុងក្រោយនេះ(២០១៦,២០១៧,២០១៨,២០១៩) ក្នុងដែនសហគមន៍តំបន់ការពារជាំម្រេច ស្ថិតនៅភូមិតាឡែក ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ៕