អាវុធហត្ថខេត្តក្រចេះឃាត់ខ្លួនជនសង្ស័យ ០៧នាក់ ពាក់ព័ន្ធករណីគ្រឿងញៀន

ក្រចេះ៖ ដោយមានការសម្របសម្រួលនីតិវិធីពីលោក កែវ សុជាតិ ព្រះរាជអាជ្ញា អមសាលាដំបូខេត្តក្រចេះ នៅវេលាម៉ោង ១៥ និង ១០នាទី ថ្ងៃទី០៩ ខែសីហា ឆ្នាំ២០១៩ កម្លាំងអាវុធហត្ថខេត្តក្រចេះ បានចុះបង្ក្រាបករណីគ្រឿងញៀននៅចំណុចភូមិក្រញូងសែនជ័យ ឃុំក្រញូងសែនជ័យ ស្រុកស្នួល ខេត្តក្រចេះ ដោយបានឃាត់ខ្លួនជនសង្ស័យចំនួន ០៧នាក់មានឈ្មោះ ឈាង ផូ ភេទប្រុស អាយុ ២៨ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិមាត់ពន្លា ឃុំក្រដោលជ្រុំ ស្រុកពញាក្រែក ខេត្តត្បូងឃ្មុំ, ឈ្មោះ ដេត ប៊ុនណារ៉ាត់ ភេទប្រុស អាយុ ៣៣ឆ្នាំ ជនជាតិខ្មែរ រស់នៅភូមិអម្ពិល ឃុំកក់ ស្រុកពញ្ញាក្រែក ខេត្តត្បូងឃ្មុំ, ឈ្មោះ មុត ដាវ៉ា ភេទប្រុស អាយុ ២៨ឆ្នាំ ជនជាតិខ្មែរ រស់នៅភូមិក្រញូងសែនជ័យ ឃុំក្រញូងសែនជ័យស្រុកស្នួល ខេត្តក្រចេះ, ឈ្មោះ ណា សៀត ភេទប្រុស អាយុ ១៩ឆ្នាំ ជនជាតិចាម រស់នៅភូមិវេវ ឃុំ២ធ្នូ ស្រុកស្នួល ខេត្តក្រចេះ, ឈ្មោះ ឯម ដាវុធ ភេទប្រុស អាយុ ២៦ឆ្នាំ រស់នៅភូមិក្រញូងសែនជ័យ ឃុំក្រញូងសែនជ័យ ស្រុកស្នួល ខេត្តក្រចេះ, ឈ្មោះ ហ៊ុន ហេន ភេទស្រី អាយុ១៥ឆ្នាំរស់នៅភូមិក្រញូងសែនជ័យ ឃុំក្រញូងសែនជ័យ ស្រុកស្នួល ខេត្តក្រចេះ និងឈ្មោះ មីន សុខដា ភេទស្រី អាយុ ២៥ឆ្នាំរស់នៅភូមិជ្នីក ឃុំជ្នីក ស្រុកក្រូចឆ្មារ ខេត្តត្បូងឃ្មុំ។
ក្នុងនោះផងដែរកម្លាំងបានដកហូតវត្ថុតាងម្សៅក្រាមពណ៌សសង្ស័យជាសារធាតុញៀនចំនួន ០៤កញ្ចប់, កូនថង់សម្រាប់ខ្ចប់គ្រឿងញៀនមួយចំនួន, ដែកឆាបមុខ ៣ចំនួន០១, កាំភ្លើងកែច្នៃចំនួន ០៣ដើម, ស្លាបព្រាជ័រសម្រាប់ច្រកគ្រឿងញៀនចំនួន០២, ទូរស័ព្ទចំនួន ០២គ្រឿង, ដាវ ០១ដើម, កន្រ្តៃ០២, ញញួរ០១, ពូថៅ០១, ដែកកេះ០៨, គ្រាប់កង់០១ប្រអប់, សម្ភារៈសម្រាប់ប្រើប្រាស់មួយចំនួន, ម៉ូតូចំនួន ០៦គ្រឿង, ម្សៅពណ៌ស១កូនប្រអប់ (សង្ស័យជាសារធាតុញៀន)។
បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញបញ្ជូនទៅតុលាការដើម្បីបន្តនីតិវិធី។