នាយកសាលាបឋមសិក្សាព្រៃប្រសិទ្ធិ៍ ជិះម៉ូតូដួល ត្រូវរថយន្តកិនស្លាប់

ខេត្តព្រះសីហនុ ៖ នាយកសាលាបឋមសិក្សាព្រៃប្រសិទ្ធិ៍ បានដួលម៉ូតូ ហើយក៏ត្រូវរថយន្តកិនចំក្បាល បណ្តាលឲ្យស្លាប់ភ្លាមៗ នៅកន្លែងកើតហេតុ រថយន្តបើករត់គេចបាត់ វេលាម៉ោង ៥:៣០ ថ្ងៃទី​១១ ខែសីហា ឆ្នាំ២០១៩ នៅលើផ្លូវជាតិលេខ៤ ចន្លោះគីឡូម៉ែត្រ ១១០-១១១ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ ។

មានករណីគ្រោះថ្នាក់ចរាចរមួយកើតឡើង រវាង ម៉ូតូ ១គ្រឿងម៉ាក Honda C125 ពណ៌ខ្មៅ គ្មានផ្លាកលេខ បើកបរដោយឈ្មោះ ចិន សឿន ភេទប្រុស អាយុ៣៦ឆ្នាំ មានទីលំនៅភូមិស្ទឹងសំរោង ឃុំអូរបាក់រទេះ ស្រុកកំពង់សីលា មុខរបរ នាយកសាលាបឋមសិក្សាព្រៃប្រសិទ្ធិ៍ ក្នុងទិសដៅពីភ្នំពេញ ឆ្ពោះទៅ ខេត្តព្រះសីហនុ លុះមកដល់ចំណុចខាងលើបានដួលម៉ូតូ ហើយក៏ត្រូវរថយន្តកិនចំក្បាល បណ្តាលឲ្យស្លាប់ភ្លាមៗ នៅកន្លែងកើតហេតុ រថយន្តបើករត់គេចបាត់ មិនស្គាល់ម៉ាក ឬផ្លាកលេខឡើយ៕