ជនដៃដល់ម្នាក់ដែលមានសតិមិនប្រក្រតីប្រេីកាំបិតអារក សម្លាប់ប្អូនស្រីជីដូនមួយ បង្កេីតរហូតស្លាប់បាត់បង់ជីវិតក្នុងលំនៅដ្ឋាន
នៅថ្ងៃ ព្រហស្បតិ៍ ១៥ កើត ខែស្រាពណ៍ ឆ្នាំកុរ ឯកស័ក ព.ស.២៥៦៣ត្រូវនឹងថ្ងៃទី ១៥ ខែ សីហា ឆ្នាំ ២០១៩ វេលាម៉ោង ១៧និង ៣០នាទីនៅចំណុចក្រុមទី ០១ ភូមិមោង ឃុំមោង ស្រុកមោងឫស្សី ខេត្តបាត់ដំបង មានករណីឃាតកម្ម មួយបានកើតឡើងបង្កដោយជនសង្ស័យ ឈ្មោះ ជុំ ជោគជ័យ( ហៅ ជ័យ )ភេទប្រុសអាយុ ១៧ឆ្នាំ រស់នៅភូមិមោង ឃុំមោង ស្រុកមោងឫស្សី ខេត្តបាត់ដំបងបានយកកាំបិតចែតធ្វើសកម្មភាពអារកសម្លាប់ជនរងគ្រោះ ឈ្មោះ អ៊ុន កញ្ចនា (ហៅ ប៉ប) ភេទ ស្រីអាយុ ១៦ឆ្នាំ រស់នៅក្នុងមូលដ្ឋានកេីតហេតុខាងលេី (ត្រូវជាបងប្អូនជីដូនមួយ)បណ្តាលឲ្យស្លាប់បាត់បង់ជីវិត ក្នុងខណ:ជនរងគ្រោះព្រមទាំង ក្រុមគ្រួសារកំពុងអង្គុយមេីលទូរទស្សន៍ក្នុងលំនៅដ្ឋាន។ ពេលធ្វេីសកម្មភាពនេះជនសង័្សយមិនបានរត់គេចខ្លួនទៅណាទេ ហេីយក៏ត្រូវបានឃាត់ខ្លួនភ្លាមៗបញ្ជូនមកកាន់អធិការដ្ឋាននគរបាលស្រុកមោងឫស្សីដេីម្បីធ្វេីការស្រាវជ្រាវ។
លោកវរសេនីយ៍ត្រី ស គឹមឡុង អធិការនគរបាលស្រុកមោងឫស្សី បានបញ្ជាក់ថា ជនសង័្សយខាងលេី(មានសតិមិនប្រក្រតី)កំពុងព្យាបាលជម្ងឺសសៃប្រាសាទដោយឱសប្រចាំថ្ងៃ។
ក្នុងពេលកេីតហេតុជនសង័្សយរូបនេះយកកាំបិតចែតមកចាប់សក់ក្បាលជនងគ្រោះពីក្រោយអារកបណ្តាលឲ្យដាច់សសៃឈាមធំស្លាប់ភ្លាមៗមិនអាចជួយសង្រ្គោះបានឡេីយក្នុងពេលដែលជនរងគ្រោះនិងមនុស្សផ្សេងទៀតក្នុងគ្រួសាកំពុងអង្គុយមេីលទូរទស្សន៍ក្នុងលំនៅដ្ឋាន។ លោកអធិការបានបន្តថានៅចំពោះមុខការសាកសួរដោយសមត្ថកិច្ចនគរបាលចម្លេីយរបស់ជនដៃដល់រូបនេះមិនទាន់យកជាបានការទាំងស្រុងនៅឡេីយទេ បេីទោះបីជាគេបានទទួលស្គាល់ថាខ្លួនគេជាអ្នកប្រព្រឹត្តក្នុងករណីឃាតកម្មនេះក៏ដោយ។
លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌបានឲ្យដឹងថា បេីទោះបីពេលនេះជនសង័្សយឈ្មោះ ជុំ ជោគជ័យ(ហៅជ័យ)អាចថាមានសតិមិនប្រក្រតីក៏ដោយចុះ តែនគរបាលបានរៀបចំសំណុំរឿងបញ្ជូនទៅសាលាដំបូងខេត្តបាត់ដំបងនៅថ្ងៃស្អែកទី១៦ ខែ សីហា ឆ្នាំ២០១៩៕
