កសិករម្នាក់ ទៅដាក់ម៉ងនៅវាលស្រែ ត្រូវរន្ទះបាញ់ស្លាប់
ហេតុការណ៍គួរឲ្យរន្ធត់នេះ បានកេីតឡេីងកាលថ្ងៃទី ១៦ ខែ សីហា ឆ្នាំ ២០១៩ នៅវេលាម៉ោង ១:៣០នាទីរសៀល នៅចំណុចភូមិខ្លុង ឃុំស្រែអំបិល ស្រុកស្រែអំបិល បណ្តាលឲ្យប្រជាពលរដ្ឋម្នាក់ឈ្មោះ ណង់ ឡុំ ភេទប្រុស អាយុ៣៧ឆ្នាំ មុខរបរកសិករ ស្លាប់នៅនឹងកន្លែងកើតហេតុ ។
គួរបញ្ជាក់ផងដែរថា មុនពេលកើតហេតុជនរងគ្រោះ បានដើរចេញ ទៅដាក់ម៉ង នៅឯស្រែចំងាយពីផ្ទះប្រហែល ២៥០ ម៉ែត្រ ស្របពេលដែលមានភ្លៀងធ្លាក់តិចៗ ស្រាប់តែទៅដល់កន្លែងដាក់ម៉ង ក៏ត្រូវរន្ទះបាញ់ស្លាប់តែម្ដង។
ក្រោយពេលទទួលបានព័ត៌មានពីក្រុមគ្រួសារជនរងគ្រោះភ្លាម កម្លាំងប៉ុស្តិ៍ស្រែអំបិល បានចុះធ្វេីកោសល្យវិច័យសព ដើរបានបញ្ជាក់ថាបុរសរូបនោះពិតជាត្រូវរន្ទះបាញ់ស្លាប់ប្រាកដមែន៕
