បើកបររថយន្តលឿនជ្រុលរេចង្កូតបុកចូលផ្ទះអ្នកភូមិ ក្រឡាប់ប៉ះជើងទ្រមេឃ

ក្រចេះ៖ ករណីនេះមិនបណ្តាលឲ្យមានគ្រោះថ្នាក់ដល់មនុស្សនោះទេ ហើយនគរបាលសន្និដ្ឋានថា បណ្តាលមកពីការបើកបរលើសល្បឿន និងធ្វេសប្រហែស។
គ្រោះថ្នាក់ចរាចរបង្កដោយខ្លួនឯងនេះ បានកើតឡើង នៅវេលាព្រឹកថ្ងៃទី២៣ សីហា នៅភូមិឃ្សឹមក្រៅ ឃុំឃ្សឹម ស្រុកស្នួល។ រថយន្តបង្កហេតុជាប្រភេទព្រូស ត្រូវខូចខាតធ្ងន់ នៅពេលបើករេចង្កូត បុកចូលផ្ទះអ្នកភូមិ នៅក្បែរចិញ្ចើមផ្លូវ ចំណែកឯអ្នកបើកបរបានគេចខ្លួន ក្រោយពីជួបហេតការណ៍រួច៕