តាញ់ មករាផ្ដួល យ៉ត សូវីតទឹក២

ភ្នំពេញ៖ក្នុងព្រឹត្តិការណ៍TV5 Boxing Knock-OutSerie by K-Cementនាយប់ថ្ងៃទី២៥សីហាអ្នកប្រដាល់កម្ពុជា
តាញ់ មករាបានប្រើទម្ងន់ជើងទាត់ឲ្យអ្នកប្រដាល់ថៃយ៉ត សូវីត(Yorth Sowith)ឲ្យសន្លប់មុនស្នូរជួងបញ្ចប់ទឹកទី
២ ។
ការប្រកួតនេះមករាមានប្រៀបតាំងពីដើមទឹកទី១មកម្ល៉េះ ។គ្រាន់តែការប្រកួតចាប់ផ្ដើមភ្លាមមករាបាន
​បញ្ចេញកណ្ដាប់ដៃដាល់ចំពោះបណ្ដាលឲ្យយ៉ត សូវីតចុករមួលហើយត្រូវអាជ្ញាកណ្ដាលរាប់៨ ។អ្នកប្រដាល់ថៃ
​រូបេះបន្ដការបកួតរហូតចប់ទឹកទី១ ។
មកដល់ទឹកទី២អ្នកប្រដាល់ថៃរូបនេះត្រូវអាជ្ញាកណ្ដាល់រាប់៨ម្ដងទៀតបន្ទាប់ពីត្រូវទាត់មួយជើងយ៉ាង
ធ្ងន់នោះ ។មកដល់ពាក់កណ្ដាលទឹកទី២យ៉ត សាវីតសន្លប់ដោយសារជង្គង់មករាក្រោកលែងរួចតែម្ដង ។
ចំពោះការប្រកួតក្នុងព្រឹត្តិការណ៍ពានរង្វាន់វិញនោះអ្នកប្រដាល់កំពែងខ្មៅសមាគមប្រដាល់ក្រសួងកសិ
កម្មបានខ្ទាតចេញពីការប្រកួតដោយសារអ្នកប្រដាល់ជំំនាន់ក្រោយកូយ ឡាយក្លិបទ័ពឆ័ត្រយោង៩១១ ។
នរណាៗក៏អាចទស្សទាយបានជាមុនដែរថាកំពែង ខ្មៅនឹងចាញ់ក្នុងការប្រកួតនេះព្រោះអ្នកប្រដាល់រូប
​នេះកម្លាំងមិនគ្រប់គ្រាន់ហើយប៉ុន្មានឆ្នាំមកនេះអ្នកប្រដាល់រូបនេះត្រូវអ្នកប្រដាល់ជំនាន់ក្រោយផ្ដួលបានស្ទើរ
គ្រប់ការប្រកួតតែម្ដង ។
កំពែង ខ្មៅហាលអាវហើយក្នុងខណៈដែលអ្នកប្រដាល់កូយ ឡាយកក់កៅអីសម្រាប់ការប្រកួតជម្រុះនៅ
​ជុំទី២បន្តទៀត ។
ប្រកួតក្នុងព្រឹត្តិការណ៍នេះដែរអ្នកប្រដាល់សុខ ប៊ុនយ៉ុងក្លិបនាគរាជមានជ័យសន្លប់នៅទឹកទី២ដោរសារ
​កណ្ដាប់ដៃអ្នកប្រដាល់រឿន ឈីក្លិបគុហារព្រហ្មមានជ័យ ។
សម្រាប់គុនេះរឿន ឈីមានប្រៀបលើគូប្រកួតរបស់ខ្លួនតាំងពីទឹកទី១មកម្ល៉េះ ។កណ្ដាប់ដៃរបស់រឿន ឈី
​បានធ្វើឲ្យប៊ុនយ៉ុងត្រូវអាជ្ញាកណ្ដាលរាប់៨នៅទឹកទី១ហើយនៅទឹកទី២កណ្ដាប់ដៃរបស់រឿន ឈីបានបញ្ចប់មិន
​ឲ្យប៊ុនយ៉ុងមិនឲ្យមានឩិកាសតដៃទៀតឡើយ ។
រឿន ឈីប្រជែងបានកៅអីមួយសម្រាប់វគ្គជម្រុះជុំទី២ក្នុងខណៈដែលសុខ ប៊ុនយ៉ុងត្រូវខ្ទាតចេញពីការប្រ
​កួតនៅជុំទី១នេះ ។
ការប្រកួតរវាងអ្នកប្រដាល់រួមជាតិក្រៅព្រឹត្តិការណ៍ពានរងវាន់វិញនោះឡុង ណងសៅក្លិបសាលវ័ន្ដកីឡា
​ ប្រកួតចាញ់អ្នកប្រដាល់ខេម ចាន់ក្លិបទ័ពឆ័ត្រយោង៩១១ដោយពិន្ទុ ៕