បុរសជនជាតិចិនម្នាក់ដេកស្លាប់ នៅខុនដូ ដឹព្រីនស៍ចិន

ភ្នំពេញ ៖ បុរសជនជាតិចិនម្នាក់ដេកស្លាប់ នៅខុនដូ ដឹព្រីនស៍ចិន បន្ទប់លេខ២០ ជាន់១៧ ហើយត្រូវមិត្តភ័ក្រ្តដេកជាមួយគ្នា រាយការប្រាប់សមត្ថកិច្ចបង្កការភ្ញាក់ផ្អើល កាលវេលាម៉ោង៧និង៣០នាទីព្រឹកថ្ងៃទី២៥ ខែ សីហា ឆ្នាំ២០១៩ ស្ថិតនៅភូមិ១៤ សង្កាត់ទន្លេបាសាក់ ខណ្ឌចំការមន ។

សពឈ្មោះ DIA ZHIJUN ជនជាតិចិន ភេទប្រុស អាយុ ៤៤ឆ្នាំ មុខរបរទេសចរណ៍ ស្នាក់នៅកន្លែងកើតហេតុខាងលើជាមិត្តភ័ក្រ្តចំនួន៤នាក់ ។

សមត្ថកិច្ចបានអោយដឹងថា មានខាងសន្តិសុខមើលការខុសត្រូវនៅកន្លែងកើតហេតុបានរាយការណ៍ថា បុរសជនជាតិម្នាក់ដេកស្លាប់ក្នុងបន្ទប់ក្រោយមកក៏ប្រញ្ញាប់ចុះមកត្រួតពិនិត្យ ហើយរាយការជូនលោកអធិការរងទទួលផែនជំនាញនិសហការជាមួយ នគរបាលផ្នែកកោសល្យវិច្ឆ័យស្នងការរាជធានីភ្នំពេញក៏បានសន្និដ្ឋានករណីមនុស្សស្លាប់(គាំងបេះដូង) សពបានតំកល់ទុកនៅវត្តស្ទឹងមានជ័យរងចាំទំនាក់ទំនងទៅខាងស្ថានទូត ស្វែងរកក្រុមគ្រួសារមកទទួលសពជាក្រោយទៀត ។