បុរសជនជាតិចិនមួយរូប ចុះលេងទឹកសមុទ្រនៅឆ្នេរអូរត្រេះ លង់ទឹកស្លាប់

ក្រុងព្រះសីហនុ៖សមត្ថកិច្ចប្រាប់ថា បុរសជនជាតិចិនមួយរូបដែលចុះលេងទឹកសមុទ្រនៅឆ្នេរអូរត្រេះចំពេលមានរលកខ្លាំងកាលពីយប់ទៀបភ្លឺថ្ងៃ២៦សីហាម្សិលមិញ រួចបាត់ខ្លួនពេញមួយថ្ងៃមកនោះ បច្ចុប្បន្នប្រទះឃើញសាកសពអណ្តែតមកលើឆ្នេរអូរត្រេះក្នុងសង្កាត់លេខ៤ នាព្រឹកថ្ងៃ២៧សីហា២០១៩នេះ ដែលជាបឋមសមត្ថកិច្ចសន្និដ្ឋានថាជនរងគ្រោះអាចស្លាប់ដោយលង់ទឹក ។

ទោះជាយ៉ាងនេះក្តី សមត្ថកិច្ចបញ្ជាក់ថា រង់ចាំការធ្វើកោសល្យវិច្ចយ័ពីនគរបាលបច្ចេកទេសសិន ដើម្បីកំណត់ច្បាស់ពីការស្លាប់ និងអត្តសញ្ញាណបន្ថែមរបស់ជនរងគ្រោះ៕