ឡានក្រុងដឹកសិស្សបុកឡានហាយឡិនឌ័រ ជ្រុកបុកបង្កាន់ដៃស្ពានព្រែកអ្នកតាវាំង បាក់ខ្ទេច

ភ្នំពេញ៖មុននេះបន្តិចមានករណីគ្រោះថ្នាក់ចរាចរណ៍រវាងឡានក្រុងដឹកសិស្សនិងឡានហាយឡិនឌ័រ​បានបើកបុកគ្នាចំពេញទំហឹងបណ្ដាលអោយរងការខូខខាតយ៉ាងដំណំ ដូចឃើញនៅក្នុងរូបភាពនេះស្រាប់រួចឡាននៅមានល្បឿនខ្លាំង ទៅបុកព្រលះបង្កាន់ដៃស្ពានព្រែកអ្នកតាវាំង បណ្ដាលអោយបាក់ប្រេះស្រាំរងការខូចខាតផងដែរ។
សាក្សីនៅកន្លែងកើតហេតុបានអោយដឹងថានៅវេលាថ្ងៃត្រង់នាថ្ងៃទី២៨ខែសីហាឆ្នាំ២០១៩នេះគេឃើញរវាងឡានក្រុងដឹកសិស្សនិងឡានហាយឡិនឌឺបានបើកបរនៅលើកំណាត់ផ្លូវលេខ១១០ដូចគ្នាហើយពេលបើកមកដល់លើស្ពានព្រែកអ្នកតាវាំងដែលស្ថិតនៅសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញក៏បានជ្រុលចង្កូតបុកគ្នាចំពេញទំហឹង​បណ្ដាលអោយឡានខូចខ្ទេចផ្នែកខាងមុខនិងជ្រុលបុកបង្កាន់ដៃស្ពានព្រែកអ្នកតាំវាងបាក់ប្រេះខ្ទេច។តែគ្មានអ្នករងរបួសអ្វីនោះទេនៅក្នុងឧប្បត្តិហេតុគ្រោះថ្នាក់ចរាចរណ៍នេះ​ពោលគឺខូចតែឡាននិងបង្កាន់ដៃស្ពានព្រែកអ្នកតាវាំងតែប៉ុណ្ណោះ។
គួរបញ្ជាក់ផងដែរថានាសព្វថ្ងៃនេះនៅលើកំណាត់ផ្លូវជាតិលេខ១១០ក្នុងមូលដ្ឋានសង្កាត់ព្រែកថ្មីខណ្ឌច្បារអំពៅរាជធានីភ្នំពេញ និង នៅក្នុងមូលដ្ឋានឃុំឈើទាល ស្រុកកៀនស្វាយខេត្តកណ្ដាលដោយអ្នកបញ្ជាបើកបរយានយន្តគ្រប់ប្រភេទនោះ​​គឺគាត់បើកបរមានល្បឿនលឿនដូចហោះគួរអោយខ្លាច​ហើយតែងតែបង្កករណីគ្រោះថ្នាក់ចរាចរណ៍​ជាហូរហែរបណ្ដាលអោយអ្នករងរបួសនិងបាត់បង់ជីវិតមនុស្សក្មេង ចាស់ ប្រុស ស្រីជាបន្តបន្ទាប់។ដូចនេះស្នើដល់អ្នកបើកបរយានយន្តទាំងឡាយចូលមានការប្រុងប្រយត្ត័ទាំងអស់គ្នា​គឺគោរពច្បាប់ចរាចរណ៍ផ្លូវគោកដើម្បីសុវត្ថិភាពផ្ទាល់ខ្លួន​និងអ្នកដ៏ទៃក្នុងពេលប្រើប្រាស់ផ្លូវសាធារណៈរួមគ្នានោះគឺសុវត្ថិភាពជាចម្បង៕