ប្រភពព័ត៌មានទាន់ហេតុការណ៍ក្រុងភ្នំពេញ

ស្ពានអាកាសក្បាលថ្នល់ បត់ឆ្វេង១ខ្សែទៀត គ្រោងនឹងដាក់ដំណើរការអោយប្រជាពលរដ្ឋបានឆ្លងកាត់នៅចុងឆ្នាំ២០១៩នេះ

82
ភ្នំពេញ៖ ដើម្បីដោះស្រាយបញ្ហាចរាចរនៅតាមបណ្ដោយផ្លូវព្រះមន្នីវង្សនិងផ្លូវព្រះនរោត្តម រដ្ឋបាលរាជធានីភ្នំពេញបាននិងកំពុងបើកការដ្ឋានស្ថាបនាស្ពានអាកាសបត់ឆ្វេង មួយខ្សែទៀតនៅជាប់នឹងស្ពានអាកាសក្បាលថ្នល់ចាស់ដើម្បីរំដោះចរាចរណ៍នៅលើស្ពាននេះ ហើយមកដល់ពេលនេះ ក្រុមការងារបាននឹងកំពុងចាប់ផ្តើមតម្លើងពុម្ពដែកកម្រាលតួស្ពាន ដែលមានកំពស់ពីកម្រាលកៅស៊ូថ្នល់ +៤.០០ម៉ែត្រ។
   លោកសាំ ពិសិដ្ឋប្រធានមន្ទីរសាធារណការនិងដឹកជញ្ជូនរាជធានីភ្នំពេញបានឱ្យដឹងនៅព្រឹកថ្ងៃទី០២ កញ្ញា ២០១៩នេះថា ចាប់ពីថ្ងៃទី២ខែកញ្ញាឆ្នាំ២០១៩នេះតទៅ ការដ្ឋានស្ពានអាកាសក្បាលថ្នល់ នឹងចាប់ផ្តើមតម្លើងពុម្ពដែកកម្រាលតួស្ពាន ដែលមានកំពស់ពីកម្រាលកៅស៊ូថ្នល់ +៤.០០ម៉ែត្រ។ ដូច្នេះទេដើម្បីសុវត្ថិភាព សូមបងប្អូនប្រជាពលរដ្ឋដែលជាអ្នកបើកបរយានយន្តទាំងអស់មេត្តាដឹកទំនិញកុំអោយលើសកំពស់ +៤.០០ម៉ែត្រអោយសោះ។
   លោកសាំ ពិសិដ្ឋ បានបញ្ជាក់ថា ស្ពានអាកាសក្បាលថ្នល់ពីមហាវិថីព្រះមុនីវង្សទៅវិថីព្រះនរោត្តមមានប្រវែង៧៧ ម៉ែត្រពីផ្លូវដីដល់គល់ស្ពានក្បាលថ្នល់និងពីគល់ស្ពានដល់ស្ពានអាកាសចាស់១២៣ម៉ែត្រ សរុប២០០ម៉ែត្រ ។ ស្ពាននេះមានទទឹង ៧,៥ម៉ែត្រ
ពីមហាវិថីព្រះមុនីវង្ស បត់ឆ្វេងឡើងស្ពានឆ្ពោះទៅមហាវិថីព្រះនរោត្តម។
  លោកប្រធានមន្ទីរសាធារណការនិងដឹកជញ្ជូនរាជធានីភ្នំពេញបានបញ្ជាក់ផងដែរថា គម្រោងសាងសង់ស្ពានអាកាសបត់ឆ្វេង១ខ្សែនេះ នឹងត្រូវបញ្ចប់នៅចុង ឆ្នាំ២០១៩នេះ ដោយក្តាពុម្ពដែកកម្រាលតួស្ពាន ដែលមានកំពស់ពីកម្រាលកៅស៊ូថ្នល់ +៤.០០ម៉ែត្រនេះនឹងដកក្តាពុម្ពដែកចេញនៅចុងខែ តុលា ២០១៩នេះ ហើយនឹងដាក់ដំណើរការអោយប្រជាពលរដ្ឋឆ្លងកាត់នៅចុងឆ្នាំ២០១៩នេះផងដែរ ខណៈដែលស្ពានអាកាសក្បាលថ្នល់ចាស់ ដោះស្រាយបញ្ហាចរាចរណ៍មិនទាន់បានល្អប្រសើរនូវឡើយនោះ។
  គួរបញ្ជាក់ថា បច្ចុប្បន្ននេះនៅក្នុងរាជធានីភ្នំពេញមានស្ពានអាកាសចំនួន៦ កន្លែងហើយ គឺ​ស្ពានអា​កកាសក្បាលថ្នល់ ស្ពានអាកាសស្ទឹងមានជ័យ ស្ពានអាកាស៧មករា  ស្ពានអាកាស៥មករា ស្ពានអាកាសស្តុបផ្សារដីហុយ និងស្ពានអាកាសចោមចៅ ដែលស្ពាននេះក្រុមការងារបាននឹងកំពុងបើកការដ្ឋានស្ថាបនា
យ៉ាងញាប់ដៃញាប់ជើង ដដូចស្ពានអាកកាសក្បាលថ្នល់នេះដែរ ៕
អត្ថបទដែលជាប់ទាក់ទង