កម្លាំងជំនាញប្រឆាំងគ្រឿងញៀន បង្ក្រាបករណីជួញដូរនិងប្រើប្រាស់ សារធាតុញៀន ឃាត់ខ្លួនជនសង្ស័យ៩នាក់
កំពង់ចាម ៖ កម្លាំងជំនាញការិយាល័យប្រឆាំងគ្រឿងញៀន ជាមួយជំនាញស្រុកជើងព្រៃ ស្រុកបាធាយ និងជំនាញអធិការដ្ឋាននគរបាលស្រុកមុខកំពូល ដឹកនាំដោយលោកវរសេនីយ៍ទោ ជីវ សេងរស់ នាយការិយាល័យប្រឆាំងគ្រឿងញៀន បើកកិច្ចប្រតិបត្តិការចុះបង្រា្កបករណីជួញដូរ និងប្រើប្រាស់ដោយខុសច្បាប់នូវសារធាតុញៀន ឃាត់ខ្លួនជនសង្ស័យ៩នាក់ ស្ថិតនៅចំណុច ភូមិសង្កើប ឃុំសំបូរ ស្រុកបាធាយ ខេត្តកំពង់ចាម កាលពីនៅថ្ងៃទី៤ ខែតុលា ឆ្នាំ២០១៩ ។
នគរបាលមូលដ្ឋាន បានឲ្យដឹងថា ជនសង្ស័យដែលសមត្ថកិច្ចឃាត់ខ្លួនរួមមាន ៖
១- ឈ្មោះ ជីម រ៉ាម៉ន ភេទប្រុស សញ្ជាតិខ្មែរ អាយុ២៥ឆ្នាំ ស្នាក់នៅភូមិ សង្កើប ឃុំសំបូរ ស្រុកបាធាយ ខេត្តកំពង់ចាម
២-ឈ្មោះ យុទ្ធ ឈីត ភេទប្រុស សញ្ជាតិខ្មែរ អាយុ ១៩ ឆ្នាំ រស់នៅភូមិ សង្កើប ឃុំ សំបូរ ស្រុកបាធាយ ខេត្តកំពង់ចាម
៣-ឈ្មោះ លុយ សុភារ័ត្ន ភេទប្រុស សញ្ជាតិខ្មែរ អាយុ២៥ឆ្នាំ រស់នៅភូមិភ្នំដិល ឃុំ តាំងក្រាំង ស្រុកបាធាយ ខេត្តកំពង់ចាម
៤- ឈ្មោះ យឺន សុខម៉េង ភេទប្រុស សញ្ជាតិខ្មែរ អាយុ៣១ឆ្នាំ រស់នៅភូមិតាបែក ឃុំសំបូរ ស្រុកបាធាយ ខេត្តកំពង់ចាម
៥-ឈ្មោះជុំ ថានុត សញ្ជាតិខ្មែរ ភេទប្រុស អាយុ២៤ឆ្នាំ រស់នៅភូមិ ភ្នំធំ ឃុំជាលា ស្រុកបាធាយ ខេត្តកំពង់ចាម
៦-ឈ្មោះស៊ឹម ណយ សញ្ជាតិខ្មែរ ភេទប្រុស អាយុ ២០ឆ្នាំ រស់នៅភូមិ ភ្នំធំ ឃុំជាលា ស្រុកបាធាយ ខេត្តកំពង់ចាម
៧-ឈ្មោះផាន នីដា សញ្ជាតិខ្មែរ ភេទប្រុស អាយុ៣០ឆ្នាំ រស់នៅភូមិភ្នំធំ ឃុំជាលា ស្រុកបាធាយ ខេត្តកំពង់ចាម
៨-ឈ្មោះសែម ចិន្តា សញ្ជាតិខ្មែរ ភេទប្រុស អាយុ៣២ឆ្នាំ រស់នៅភូមិ ភ្នំធំ ឃុំជាលា ស្រុកបាធាយ ខេត្តកំពង់ចាម
៩-ឈ្មោះ ជុំ ពិសី សញ្ជាតិខ្មែរ ភេទប្រុស អាយុ៣០ឆ្នាំ រស់នៅភូមិ ភ្នំធំ ឃុំជាលា ស្រុកបាធាយ ខេត្តកំពង់ចាម។
រឹបអូសវត្ថុតាងរួមមាន ៖ ម្សៅក្រាមពណ៌ សង្ស័យជាថ្នាំញៀនចំនួន១៨កញ្ចប់, ធំ៣កញ្ចប់ មធ្យម៤កញ្ចប់ តូច១១កញ្ចប់, ម៉ូតូចំនួន ៤គ្រឿង ទូរស័ព្ទដៃចំនួន ១០គ្រឿង និង ដាវចំនួន ២ដើម៕
