បង្រ្កាបករណីបង្ខាំងមនុស្សជនជនជាតិចិន ដោយឃាត់ខ្លួន ជនសង្ស័យចំនួន ៧នាក់
ក្រុងព្រះសីហនុ៖ នៅព្រឹកថ្ងៃទី៦ ខែតុលា ឆ្នាំ២០១៩ កងរាជអាវុធហត្ថខេត្តព្រះសីហនុ ដឹកនាំបញ្ជាផ្ទាល់ ដោយលោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានចុះបង្រ្កាប ករណីបង្ខាំងមនុស្ស (ជនជាតិចិន) នៅក្រុម១២ ស្ថិតភូមិ៣ សង្កាត់១ ក្រុងព្រះសីហនុ ម្តុំរោងចក្រ RCI ឃ្លាំងលើ ដោយឃាត់ខ្លួន ជនសង្ស័យចំនួន ៧នាក់។
លោក ម៉ាង ស៊ីណេតអភិបាលខេត្តស្តីទី ខេត្តព្រះសីហនុសហការជាមួយនិងលោក ហេង ប៊ុនទីមេបញ្ជាការកងរាជអាវុធហត្ថខេត្ត ដោយមានការសម្របសម្រួលនិតិវិធីច្បាប់ពីលោក ហួត វិចិត្រព្រះរាជអាជ្ញារងខេត្ត សាលាដំបូងខេត្តព្រះសីហនុ បានដឹកនាំកម្លាំងជំនាញការិយាល័យបទល្មើសព្រហ្មទណ្ឌ កងរាជអាវុធហត្ថខេត្តព្រះសីហនុ ចុះឡោមព័ទ្ធផ្ទះល្វេងមួួយកន្លែង រួចឃាត់ខ្លួនជនសង្ស័យពាក់ព័ន្ធនិងករណីបង្ខាំងមនុស្សខុសច្បាប់ចំនួន០៧នាក់ និងបានប្រើទារុណកម្មសាហាវឃោឃៅទៅលើជនរងគ្រោះជាង១០នាក់ នៅម្តុំផ្លូវបេតុងរោងចក្រRCI ស្ថិតក្នុងក្រុម១២ ភូមិ០៣ សង្កាត់លេខ០១ ក្រុង/ខេត្តព្រះសីហនុ។
លោកឧត្តមសេនីយ៍ត្រីហេង ប៊ុនទីមានប្រសាសន៍ថា ជាបឋមសមត្ថកិច្ចឃាត់ខ្លួនបានជនសង្ស័យចំនួន០៧នាក់។
*ដកហូតបានវត្ថុតាង រួមមាន៖
-ទូរសព្ទ០៦គ្រឿង
-ខ្នោះដៃចំនួន១០
-ខ្នោះជើងចំនួន៤
-ស្រោមខ្នោះចំនួន៤
-ក្រណាត់រំមុខចំនួន២
-កាំបិតបុ័ងតោចំនួន១
-កំប៉ុងហ្គាសចំនួន២៥
-លិខិតឆ្លងដែនចំនួន១
-កិច្ចសន្យាជួលផ្ទះចំនួន១
-អត្តសញ្ញាណបណ្ណ័ជនជាតិចិនចំនួន១ច្បាប់។
បច្ចុប្បន្នជនរងគ្រោះបញ្ចូនទៅសង្គ្រោះព្យាបាលនៅមន្ទីរពេទ្យបង្អែកខេត្ត រីឯជនសង្សយ័និងវត្ថុតាំងបញ្ចូនទៅអាវុធហត្ថខេត្ត ដើម្បីបន្តនិតិវិធីតាមច្បាប់ច្បាប់។
