រថយន្តបុកអ្នកថ្មើរជើងម្នាក់ បណ្តាលឲ្យស្លាប់
ភ្នំពេញ ៖ នៅចំណុចតាមផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ កាលពីថ្ងៃទី៥ ខែតុលា ឆ្នាំ២០១៩ វេលាម៉ោង ១៩និង០០នាទី មានករណីគ្រោះថ្នាក់ចរចរណ៍មួយកើតឡើង រវាងរថយន្តបុកអ្នកថ្មើរជើង បណ្តាលឲ្យស្លាប់មនុស្សម្នាក់ ។
ជនបង្កមិនស្គាល់ភិនភាគ (បើករថយន្តគេចខ្លួន) ។ ចំណែកជនរងគ្រោះដែលស្លាប់ឈ្មោះ ម៉ុក សារ៉េន ភេទស្រី អាយុ៤៨ឆ្នាំ ជនជាតិខ្មែរ មុខរបរលក់ការ៉េម ស្នាក់នៅភូមិព្រែកស្តី ស្រុកកោះធំ ខេត្តកណ្តាល ។
បច្ចុប្បន្ន សពត្រូវបានក្រុមគ្រួសារយកទៅធ្វើបុណ្យតាមប្រពៃណី ៕