ថ្លើមធំណាស់អ្នកយកភាសុីផ្សារក្នុងស្រុកស្អាងមិនស្ដាប់ បទបញ្ជាសម្ដេចតេជោនៅតែយកភាស៊ីមិនប្រក្រតី

ខេត្តកណ្តាល: លោក ប៉ោ សេង នៅតែដាក់កូនចៅយកលុយពីបងប្អូនអាជីវករដែលលក់តាមកញ្ច្រែង,ល្អី ផ្គើនទៅនិងសារាចរណ៍របស់សម្តេចតេជោ រួចមកក្រុមការងារចុះជួយឃុំត្រើយស្លាបានកោះហៅអ្នកយកភាសុីផ្សារក្នុងស្រុកស្អាងដែលបានសិទ្ធវិនិយោគរហូតទៅដល់៣៧ឆ្នាំ មកធ្វើការសាកសួរនិងតម្រូវអោយលោក ប៉ោ សេង បញ្ឈប់សកម្មភាពយកលុយពីបងប្អូនអាជីវករលក់តាមកញ្ច្រែង,ល្អី ចាប់ពីថ្ងៃចន្ទ័ ទី១៧ ខែកក្តដា ឆ្នាំ២០១៨ នេះបើតាមការអោយដឹងពីលោកមេឃុំត្រើយស្លា។
ករណីនេះលោក ប៉ោ ប៉េង មេឃុំត្រើយស្លា បានអោយដឹងថាក្រុមការងារគណ:ពង្រឹងឃុំត្រើយស្លាបានហៅថៅកែភាសុីផ្សារក្នុងស្រុកស្អាងមកពិភាក្សាគ្នាតែរូបលោកមិនបានចូលរួមទេ លោកគ្រាន់តែដឹងតាមក្រុមការងារថាចាប់ពីថ្ងៃចន្ទ័ ទី១៧ ខែកក្តដា ឆ្នាំ២០១៨ នេះតទៅខាងភាគីលោកប៉ោ សេង ព្រមបញ្ឈប់យកភាសុីពីបងប្អូនអាជីវករដែលលក់តាមកញ្ច្រែង,ល្អី ទៀតហើយ។
ការដែលលោកប៉ោ សេង ផ្គើនទៅនិងសារាចរណ៍របស់សម្តេចតេជោរហូតមកដល់ពេលនេះបាន គឺដោយសារតែអាជ្ញាធរក៏ដូចជាជំនាញពាក់ពន្ធ័ហាក់ដូចជាខ្លាចអំណាចអ្នកយកផ្សាររូបនោះព្រោះលោកប៉ោ សេង ជាយោធាសក្តិ៤កន្លះផងនិងជាជំនួយការមន្ត្រីជាន់ខ្ពស់មានឋាន:ស្មើរដ្ឋលេខាធិការទៀតផង។
ប្រភពពីមន្ត្រីវិនិយោគក្រសួងសេដ្ឋកិច្ចហិរិញ្ញវត្ថុម្នាក់បានអោយដឹងក្នុងលក្ខ័ណ្ឌសុំមិនបញ្ចេញឈ្មោះបានទំលាយថាការដែលលោកប៉ោ សេង បានសិទ្ធវិនិយោគផ្សារក្នុងស្រុកស្អាងរហូតដល់ទៅ៣៧ឆ្នាំបានដោយសារតែមានការឃុបឃិតគ្នានិងដោយមានការសម្របសម្រួលពីមន្ត្រីម្នាក់នៅក្រសួងសេដ្ឋកិច្ចនិងហិរញវត្ថុ។

ក្រុមអាជីវករលក់ដូរនៅផ្សារស្អាងខាងត្បូងក៏បានសំណូមពរដល់សម្តេចតេជោ ហ៊ុនសែន មេត្តាជួយសាងសង់ផ្សារស្អាងខាងក្បូងនេះផងព្រោះកន្លងមកថៅកែផ្សារជាច្រើននាក់មកហើយសាងសង់ផ្សារនេះមិនបានសម្រេចទេមានតែចេតនាបោករហូតមកដល់ថៅកែប៉ោសេងនេះមិនបានសាងសង់ផ្សារនេះទេមានតែមកលួចកាត់យកដែកនិងស័ង្កសីយកទៅសង់កន្លែងផ្សេងទៅវិញ។
ពាក់ព័ន្ធករណីចោទប្រកាន់ខាងលើនេះភ្នំពេញរីផតធើព្យាយាមសុំការបំភ្លឺពីលោកប៉ោ សេង ជាច្រើនលើកតែទាក់ទងមិនបានកាលពីថ្ងឌទី១៧កក្ដដា យើងរង់ចាំការបំភ្លឺនៅពេលក្រោយទៀត៕