រថយន្តដាច់ប្រាំងបុកម៉ូតូជ្រុលទៅបុកបង្កាន់ដៃស្ពាន នឹងបង្គោលភ្លើងបំភ្លឺផ្លូវនៅលើស្ពានព្រះមុនីវង្សចាស់

ភ្នំពេញ រថយន្តស្ទូចម៉ាកហ៊ីយ៉ាន់ដាយដាច់ប្រាំងជ្រុលបុកម៉ូតូបណ្ដាលឲ្យបុរសចំណាស់ម្នាក់រងរបួសធ្ងន់ខណៈពេលរថយន្តមិនទាន់អស់ល្បឿនក៏ជ្រុលទៅបុកបង្កាន់ដៃស្ពាននឹងបង្គោលភ្លើងបំភ្លឺផ្លូវនិងស្ពានព្រះមុនីវង្សចាស់ ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង ៣ និង២០ ថ្ងៃទេ ១៤ ខែតុលាឆ្នាំ ២០១៩ ស្ថិតនៅលើស្ពានព្រះមុនីវង្សចាស់ ក្នុងសង្កាត់បឹងត្របែកខណ្ឌចំការមន។

អ្នកបើកតថយន្តមានឈ្មោះស្រួង សុខដែន ភេទប្រុស អាយុ ៣៨ឆ្នាំ មុខរបរបើកបរ ស្នាក់នៅ សង្កាត់ដដង្កោ ខណ្ឌដង្កោ ។ចំណែកជនរងគ្រោះមិនស្គាល់អត្តសញ្ញាណទេ។

បើតាមសម្តីពីតៃកុងរថយន្តបានប្រាប់ឲ្យដឹងថាមុនពេលកើតហេតុគាត់បានបើករថយន្តស្ទូចម៉ាកហ៊ីយ៉ាន់ដាយពណ៌សពាក់ស្លាកលេខភ្នំពេញ 3E-3143តាមបណ្ដោយផ្លូវលេខផ្លូវជាតិលេខ១ហើយក៏ឆ្លងស្ពានព្រះមុនីវង្សចាស់ចូលមកក្រុងភ្នំពេញ ខណៈពេលដែលចុះមកស្រាប់តែរថយន្តរបស់គាត់បានដាច់ហ្វ្រាំងជាន់ស៊ីក៏ជ្រុលបុកម៉ូតូម៉ាកគុបពណ៌ទឹកប៊ិចអ្នកដើរលេងភ្នំពេញ 1B-4652 បណ្ដាលឲ្យបុរសចំណាស់ម្នាក់រងរបួសធ្ងន់ខណៈពេលរថយន្តនិងកូនអស់ល្បឿនក៏ជ្រុលទៅបុកបង្កាន់ដៃស្ពាននិងគោលភ្លើងនៅផ្លូវជាប់តែសំណាងល្អមិនបានធ្លាក់ចុះទៅក្រោមទេ។

ភ្លាមៗនោះជនរងគ្រោះបានដឹកទៅសង្គ្រោះនៅមន្ទីរពេទ្យឯកជនភ្លាមដែរ។

ក្រោយពីកើតហេតុសមត្ថកិច្ចមូលដ្ឋានបានសហការជាមួយនឹងសមត្ថកិច្ចជំនាញខាងចរាចរណ៍ខណ្ឌចំការមនបានចុះទៅដល់កន្លែងកើតហេតុ ក៏បានវាស់វែងយករថយន្តទាំងពីរយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយគ្នានៅពេលក្រោយ។