ទៅចូលរួមប្រារព្ធខួប១១០ឆ្នាំរបស់សហព័ន្ធហែលទឹកអន្តរជាតិ

​ប្រទេសជាសមាជិកទាំងអស់នឹងបញ្ជូនមនុស្សសំខាន់របស់ខ្លួន ទៅចូលរួមក្នុងព្រឹត្តិការណ៍នេះព្រមទាំងទៅ ទស្សនាទីស្នាក់ការធំរបស់សហព័ន្ធហែលទឹកអន្តរជាតិ (Headquater of FINA)នៅក្នុងប្រទេសស្វីស ព្រមទាំងជួបសំណេះសំណាល ជាមួយប្រធានសហព័ន្ធហែលទឹកអន្តរជាតិ ។

​លោកហែម គីរីបានបញ្ជាក់ថា លោកគឺជាតំណាងរបស់លោកប្រធាន សហព័ន្ធទៅចូលរួមក្នុង ពិធីជួបជុំនៃគ្រួសារហែលទឹកពិភពលោក ។ នេះជាលើកទី១ ហើយដែលលោកទៅចូលរួមក្នុងពិធីជួបជុំ ជាលក្ខណៈអន្តរជាតិនៃគ្រួសារហែលទឹកបែបនេះ ។

​កន្លងមកឪពុករបស់លោក គឺលោកហែម ថុនដែលជាអគ្គលេខាធិការ ជាអ្នកទៅចូលរួមតែបន្ទាប់ពីឪពុកលោក ស្លាប់ទៅលោកបានក្លាយ ជាអគ្គលេខាធិការហេតុនេះ ការចេញទៅនេះដើម្បីឲ្យបណ្ដាប្រធាន និងអគ្គលេខាធិការគេបានស្គាល់លោក ។

​លោកបន្តថា ការចេញទៅនេះយើងមិនអាច សុំអ្វីគេបានទេពិសេសលើ ផ្នែកហេដ្ឋារចនាសម្ព័ន្ធតែយើងអាចសុំជាអាហារូបករណ៍ ឬ សុំឲ្យជួយបណ្ដុះបណ្ដាលធនធានមនុស្សបាន ៕