សាខាកាកបាទក្រហមកម្ពុជារាជធានីភ្នំពេញចុះអប់រំ ផ្សព្វផ្សាយអំពីសុវត្ថិភាពចរាចរណ៍
ភ្នំពេញ៖ លោកជិន ប៊ុនធឿន នាយកប្រតិបត្តិសាខាកាកបាទក្រហមកម្ពុជារាជធានីភ្នំពេញ និង ជានាយករងរដ្ឋបាលសាលារាជធានីភ្នំពេញបានអោយដឹងថាលពីព្រឹកថ្ងៃទី ១៥ ខែ តុលា ឆ្នាំ ២០១៩នេះ សាខាកាកបាទក្រហមកម្ពុជា រាជធានីភ្នំពេញដោយចុះ សហការគ្នាជាមួយអនុសាខាខណ្ឌទួលគោក បានដឹកនាំកម្លាំងយុវជនកាកបាទក្រហមកម្ពុជា ប្រចាំវិទ្យាល័យ ជា សុីម សាមគ្គី និងអ្នកស្មគ្រ័ចិត្តកាកបាទក្រហម ប្រជាការពារ សន្តិសុខផ្សារដេីមគ សរុបប្រមាណចំនួន៥០នាក់ ចុះអប់រំផ្សព្វផ្សាយអំពីសុវត្ថិភាពចរាចរណ៍ និងសម្អាតអនាម័យបរិស្ថាន ជូនដល់ប្រជាពលរដ្ឋ នៅផ្សារដេីមគ។ ក្នុងគោលបំណងនៃការចុះអប់រំផ្សព្វផ្សាយនេះ គឺដេីម្បីក្រេីនរំលឹក ក៏ដូចជាអប់រំដល់បងប្អូនប្រជាពលរដ្ឋឲ្យមានការយល់ដឹងច្រើនថែមទៀតពីគ្រោះថ្នាក់ចរាចរណ៍ផ្លូវគោក និងការមិនប្រព្រឹត្តនូវឥរិយាបទដែលនាំឲ្យមានគ្រោះថ្នាក់ក្នុងពេលធ្វើដំណើរ ក្នុងនោះរួមមានទាំងការបើកបរក្រោមឥទ្ធិពលនៃគ្រឿងស្រវឹង ដែលជាមូលហេតុធំមួយបណ្ដាលឲ្យមានអ្នកបាត់បង់ជីវិតច្រើន ។ ជាទូទៅគ្រោះថ្នាក់ដែលបណ្ដាលមកពីការបើកបរក្រោមឥទ្ធិពលនៃគ្រឿងស្រវឹងរមែងធ្ងន់ជាងគ្រោះថ្នាក់ដែលមិនពាក់ព័ន្ធដល់គ្រឿងស្រវឹង ព្រោះថាកាលបើស្ថិតក្នុងស្ថានភាពស្រវឹង អ្នកបើកបរអាចនឹងមានចិត្តបើកបរលឿនហួសល្បឿនកំណត់ បើកវ៉ាជែងគេឯងតាមដងផ្លូវដោយខ្វះការប្រុងប្រយ័ត្ន មិនយកចិត្តទុកដាក់ក្នុងការពាក់ខ្សែក្រវាត់សុវត្ថិភាព ឫពាក់មួកសុវត្ថិភាព មិនគោរពភ្លើងស្តុបឫស្លាកសញ្ញាចរាចរណ៍ជាដើម ។ដូច្នេះសូមបងប្អូនប្រជាពលរដ្ឋទាំងអស់ បើស្រវឹងសូមកុំបើកបរ និងពេលបើកបរត្រូវពាក់មួកសុវត្ថិភាព និងខ្សែក្រវ៉ាត់សុវត្ថិភាពជានិច្ច ៕
