ឃាត់ខ្លួនជនសង្ស័យ០២នាក់ ករណីឆក់ទូរស័ព្ទដៃមិនបានសម្រេច

ភ្នំពេញ៖ នៅថ្ងៃទី១៦ តុលា ២០១៩ វេលាម៉ោង ១៦ និង៣០នាទី ប៉ុស្តិ៍រដ្ឋបាលទឹកថ្លា ឃាត់ខ្លួនជនសង្ស័យ០២នាក់ ករណីឆក់ទូរស័ព្ទដៃមិនបានសម្រេច នៅចំណុចតាផ្លូវបេតុង ភូមិចុងថ្នល់ខាងលើត សង្កាត់ទឹកថ្លា ខណ្ឌសែនសុខ ។ ជនសង្ស័យ០២នាក់រួមមាន ១-ឈ្មោះ ស៊ុំ លីហុង ភេទប្រុស អាយុ១៦ឆ្នាំ ជនជាតិខែ្មរ មុខុរបរសិស្ស ស្នាក់នៅបន្ទប់ជួល ផ្លូវបេតុង ភូមិទ្រុងមាន់ សង្កាត់អូរបែកក្អម ខណ្ឌសែនសុខ (គ្មានសារធាតុញៀន) , ២-ឈ្មោះ ឌុល សុវណ្ណារាជ្យ ភេទប្រុស អាយុ១៦ឆ្នាំ ជនជាតិខែ្មរ មុខុរបរគ្មាន ស្នាក់នៅផ្ទះគ្មានលេខ ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ (គ្មានសារធាតុញៀន) ។ ( ជនរងគ្រោះ មិនស្គាល់ភិនភាគ ) ។ សម្ភារៈបន្សល់ទុក ម៉ូតូ ០១គ្រឿង ម៉ាកសង់ប៊ិកសេ១១០ ពណ៌ខ្មៅ ផលិតឆ្នាំ២០១២ ពាក់ស្លាកលេខភ្នំពេញ1BD-6486 និងទូរសព្ទ័ដៃ០២គ្រឿង របស់ជនសង្ស័យ ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕