ប្រទះឃើញសាកសពបុរសម្នាក់ អណ្ដែតទឹក នៅដងព្រែកតាតៃ
នៅថ្ងៃទី ១៧ ខែតុលា ឆ្នាំ២០១៩ វេលាម៉ោង ០៥:០០ នាទីព្រឹក កម្លាំងប៉ុស្ដិ៍នគរបាលរដ្ឋបាលឃុំតាតៃក្រោម នៃអធិការដ្ឋាននគរបាលស្រុកកោះកុង បានទទួលពត៌មានពីប្រជាពលរដ្ឋមានឈ្មោះ រស់ ហុង ភេទប្រុស អាយុ ៥២ឆ្នាំ បានប្រទះឃើញសាកសពអណ្ដែតទឹកទើ នៅចំនុចមែកឬស្សី តាមដងព្រែកតាតៃ ស្ថិតក្នុងភូមិអន្លង់វ៉ាក់ ឃុំតាតៃក្រោម ស្រុកកោះកុង ក្រោយទទួលបានពត៌មាន កម្លាំងជំនាញអធិការដ្ឋាននគរបាលស្រុកកោះកុង បានសហការជាមួយកម្លាំងប៉ុស្ដិ៍នគរបាលរដ្ឋបាលឃុំតាតៃក្រោម ដោយមានការចូលរួមពីអាជ្ញាធរមូលដ្ឋាន និងក្រុមគ្រូពេទ្យ បានចុះទៅពិនិត្យដល់កន្លែងកើតហេតុ ។
ក្រោយធ្វើកោសល្យវិច័យរួច បានឲ្យដឹងថា សាកសពជនរងគ្រោះជាមនុស្សប្រុស មិនស្គាល់អត្តសញ្ញាណ មានអាយុប្រហែលពី ២៥ ទៅ ៣០ ឆ្នាំ លើសាកសពពុំមានឃើញមានស្លាកស្នាមអ្វីសង្ស័យ ពាក់ព័ន្ធករណីឃាតកម្មឡើយ។ ដោយអាចសន្និដ្ឋានបានថា ជនរងគ្រោះបានស្លាប់ដោយសារលង់ទឹក ។
បច្ចុប្បន្ន កម្លាំងយេីងកំពុងស្រាវជ្រាវរកសាច់ញាតិ ចំណែកសពបានប្រគល់ជូន អាជ្ញាធរ យកទៅធ្វើបុណ្យតាមប្រពៃណី។
