ក្រុមហ៊ុន Samsung ទទួលស្គាល់បញ្ហាទាក់ទងនឹងការស្កេនក្រយៅដៃ (fingerprint scanning) ដែលមកជាមួយទូរស័ព្ទ Galaxy S10
ភ្នំពេញ៖ នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department បានឲ្យដឹងនៅថ្ងៃទី១៨ខែតុលានេះថា
លក្ខណៈពិសេសមួយរបស់ទូរស័ព្ទ Galaxy S10 គឺអាចឱ្យអ្នកប្រើប្រាស់ ដោះសោដើម្បីចូលប្រើទូរស័ព្ទ តាមរយៈការស្កេនក្រយៅដៃនៅលើកញ្ចក់ទូរស័ព្ទតែម្តង។ ប៉ុន្តែមុខងារនេះត្រូវបាន អ្នកស្រាវជ្រាវរកឃើញថាពុំមានសុវត្ថិភាពខ្ពស់ ព្រោះគេអាចដោះសោដោយប្រើរូបភាពពីឧបករណ៍ផ្ដិតរូប 3D បានយ៉ាងងាយស្រួល។
ថ្មីៗនេះអ្នកប្រើប្រាស់ថែមទាំងបានរកឃើញថា ពេលគេប្រើ កញ្ចក់ការពារមួយចំនួន (Screen protector) គេអាចដោះសោជាមួយក្រយៅដៃណាមួយក៏បាន ទោះជាក្រយៅដៃនោះពុំដែលបានបញ្ចូល (Authenticate) ទៅក្នុងប្រព័ន្ធទូរស័ព្ទក៏ដោយ។
ដើម្បីការពារទិន្នន័យក្នុងទូរស័ព្ទ ជាពិសេស ដើម្បីសុវត្ថិភាពក្នុងការប្រើប្រាស់គណនីធនាគារអនឡាញ (online banking) សូមលោកអ្នកផ្អាកការប្រើប្រាស់មុខងារ ដោះសោតាមរយៈការស្កេនក្រយៅដៃនេះ រហូតដល់មានការធ្វើបច្ចុប្បន្នភាពកម្មវិធីនេះពីក្រុមហ៊ុន Samsung។ សូមលោកអ្នកប្រើលេខកូដ ដើម្បីដោះសោព្រោះថា សូម្បីការដោះសោតាមរយៈការស្កេនមុខរបស់ក្រុមហ៊ុន Samsung ក៏ពុំមានសុវត្ថិភាពដែរ៕