ប្រទេសចិន ស្វាគមន៍ កិច្ចប្រជុំកំពូល Trump-Kim ដែលអំពាវនាវ ឱ្យមានយន្តការ សន្តិភាព

រដ្ឋមន្ត្រីការបរទេសចិន លោកវ៉ាងយី (Wang Yi) បាននិយាយថា ប្រទេសចិន ស្វាគមន៍ចំពោះកិច្ចប្រជុំ រវាងមេដឹកនាំ នៃសាធារណរដ្ឋប្រជាមានិត ប្រជាធិបតេយ្យកូរ៉េ ហើយសង្ឃឹមថា ព្រឹត្តិការណ៍ប្រវត្តិសាស្ត្រ បែបនេះ អាចនាំឱ្យមានការលែង នុយក្លេអ៊ែរ និងសន្តិភាព លើឧបទ្វីបកូរ៉េ។

សេចក្តីថ្លែងរបស់លោកវ៉ាង ត្រូវបានធ្វើឡើង កាលពីថ្ងៃអង្គារ នៅទីក្រុងប៉េកាំង នៅពេលជួបប្រជុំជាមួយ លោក Lim Jock Hoi អគ្គលេខាធិការ នៃសមាគមប្រជាជាតិអាស៊ីអាគ្នេយ៍ (អាស៊ាន) ដែលឥឡូវនេះ កំពុងធ្វើទស្សនកិច្ច ទៅកាន់ប្រទេសចិន។

លោកវ៉ាង បាននិយាយថា ការព្រួយបារម្ភផ្នែកសន្តិសុខ គឺជាស្នូលនៃវិបត្តិនុយក្លេអ៊ែរ របស់កូរ៉េខាងជើង ហើយដើម្បីដោះស្រាយបញ្ហានេះ ឱ្យបានត្រឹមត្រូវ នឹងទាមទារឱ្យមេដឹកនាំ ភាគីទាំងសងខាង ដោះស្រាយភាពខុសគ្នា តាមរយៈការសន្ទនា ដែលជាគោលដៅមួយ របស់ប្រទេសចិន អស់រយៈពេលជាច្រើនឆ្នាំ។

តួនាទីរបស់ប្រទេសចិន គឺដើម្បីលើកកម្ពស់ និងជួយធ្វើឱ្យសេណារីយ៉ូ បែបនេះ។ ប្រទេសចិន បានធ្វើការអស់រយៈពេល ជាង 2 ទសវត្សរ៍មកហើយ ដើម្បីសម្រេចបានជោគជ័យនេះ។ យើងជឿជាក់ថា ត្រូវតែមានដំណោះស្រាយ នយោបាយ ដើម្បីរក្សាការសន្ទនា ដោយសន្តិវិធី។ វាមានសារសំខាន់ណាស់ ក្នុងការសម្រេចបាននូវការបញ្ឈប់ នុយក្លេអ៊ែរ ពេញលេញ ហើយវាក៏សំខាន់ផងដែរ ក្នុងការដោះស្រាយ នូវការព្រួយបារម្ភ ផ្នែកសន្តិសុខស្របច្បាប់។ ខ្ញុំមិនគិតថាមាននរណាម្នាក់ សង្ស័យតួនាទីរបស់ចិន ប៉ុន្មានឆ្នាំមកនេះទេ ហើយប្រទេសចិន នឹងនៅតែបន្តដើរ តួនាទីសំខាន់ និងមានសារសំខាន់។

លោកបាននិយាយថា ប្រទេសចិនសង្ឃឹមបន្ថែមទៀតថា ភាគីដែលពាក់ព័ន្ធ នឹងដើរតួនាទីយ៉ាងសកម្ម នៅក្នុងដំណើរការរក្សា សន្តិភាពនៅលើឧបទ្វីបកូរ៉េ។

សមាជិកក្រុមប្រឹក្សារដ្ឋចិន និងរដ្ឋមន្ត្រីការបរទេស លោក Wang Yi និងអគ្គលេខាធិការ អាស៊ាន លោកលឹម ជុកហូ (Lim Jock Hoi) ថ្លែងទៅកាន់អ្នកសារព័ត៌មាន នៅថ្ងៃទី 12 ខែមិថុនា ឆ្នាំ 2018 នៅទីក្រុងប៉េកាំង។ / CCTV រូបថត

តួនាទីរបស់ចិន ក្នុងការលុបបំបាត់ អាវុធនុយក្លេអ៊ែរ នៃឧបទ្វីបកូរ៉េ

មេដឹកនាំកូរ៉េខាងជើង លោកគីម ជុងអ៊ុន (Kim Jong Un) ចាប់ដៃជាមួយ ប្រធានាធិបតីអាមេរិក លោក Donald Trump នៅសណ្ឋាគារ Capella នៅកោះ Sentosa សិង្ហបុរីថ្ងៃទី 12 ខែមិថុនាឆ្នាំ 2018 ។ / VCG Photo

លោកវ៉ាង បានរំលឹកឡើងវិញអំពី “វិធីសាស្រ្តពីរផ្លូវ” ដែលស្នើឡើងដោយចិន ក្នុងការដោះស្រាយ បញ្ហាឧបទ្វីបកូរ៉េ។

វិធីសាស្រ្តនេះ អំពាវនាវឱ្យមានការជំរុញ ឱ្យមានវឌ្ឍនភាពស្របគ្នា ក្នុងការលុបបំបាត់នុយគ្លេអ៊ែរ នៃឧបទ្វីបកូរ៉េ នៅពេលដែលបង្កើតយន្តការ សន្តិភាពមួយ ដែលឈានទៅដល់គោលដៅទាំងពីរ។

ក្នុងវីដេអូ លោកវ៉ាងបានពន្យល់ពី “វិធីសាស្រ្តពីរផ្លូវ” នៅថ្ងៃទី 29 ខែមេសាឆ្នាំ 2017 ក្នុងអំឡុងពេលកិច្ចប្រជុំមួយ ជាមួយក្រុមប្រឹក្សាសន្តិសុខ អង្គការសហប្រជាជាតិ។