ឃាត់ខ្លួនបុរសម្នាក់ករណីបំផ្លិចទ្រព្យសម្បត្តិ ដោយចេតនានិងគំរាមសម្លាប់
ភ្នំពេញ៖កម្លាំងនគរបាលប៉ុស្តិ៍រដ្ឋបាលទឹកល្អក់ទី៣បានឃាត់ខ្លួនជនសង្ស័យចំនួន០១នាក់ពីបទបំផ្លិចបំផ្លាញទ្រព្យសម្បត្តិដោយចេតនានិងគំរាមសម្លាប់ប្រព្រឹត្តនៅចំណុចផ្ទះលេខHE35 ផ្លូវលេខ២៦៥ក្រុមទី៣៦ភូមិ១៣សង្កាត់ទឹកល្អក់ទី៣ខណ្ឌទួលគោករាជធានីភ្នំពេញ(ជនរងគ្រោះនិងក្រុមគ្រួសារចាប់ប្រគល់អោយសមត្ថកិច្ចចាត់ការ) នៅថ្ងៃទី២៤ខែតុលាឆ្នាំ២០១៩វេលាម៉ោង០១និង០០នាទីរំលងអធ្រាត្រ។
ជនសង្ស័យឈ្មោះប៊ូជុំផល្លាហៅវ័រភេទប្រុសអាយុ៤៨ឆ្នាំជនជាតិខ្មែរមុខរបរលក់ដូរស្នាក់នៅផ្ទះជួលមិនចាំលេខផ្លូវបេតុងភូមិច្រេះសង្កាត់គោកឃ្លាងខណ្ឌសែនសុខរាជធានីភ្នំពេញ។
បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌទួលគោកដើម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធីច្បាប់៕