ឃាត់ខ្លួនបានម្នាក់ទៀតហេីយ មុខសញ្ញាបង្ករហឹង្សា នៅហាងខារ៉ាអូខេ រំដួលជើងភ្នំ
កាលពីថ្ងៃទី ២៣ ខែតុលា ឆ្នាំ២០១៩ វេលាម៉ោង ៨.០០ នាទីព្រឹក
កម្លាំងអធិការដ្ឋាននគរបាលស្រុកស្រែអំបិល អនុវត្តន៍តាមដីការ របស់សាលាដំបូងខេត្ត ធ្វើការឃាត់ខ្លួន មុខសញ្ញាសង្ស័យ ១ ប្រុស ឈ្មោះ ធូ ភក្តី ភេទប្រុស អាយុ ២៤ ឆ្នាំ ជនជាតិខ្មែរ ភូមិត្រពាំង ឃុំស្រែអំបិល ស្រុកស្រែអំបិល ពីបទធ្វើអោយខូចខាតដោយចេតនា និងករណីហឹង្សាមានស្ថានទម្ងន់ទោស ប្រព្រឹត្តនៅចំនុច ហាងខារ៉ាអូខេ រំដួលជើងភ្នំ ស្ថិតក្នុភូមិសាលាម្នាង ឃុំបឹងព្រាវ ស្រុកស្រែអំបិល កាលពិថ្ងៃទី ៣០-០១-២០១៩ ទាំងខ្លួន និងបក្សបួក បានរួចរត់គេចខ្លួនបាត់ លុះដល់ថ្ងៃទី ០៤ ខែតុលា ឆ្នាំ២០១៩ សមត្ថកិច្ច ឃាត់ខ្លួនបាន ២ នាក់ និងបច្ចុប្បន្នឃាត់ខ្លួនបានម្នាក់ទៀត សរុបចំនួន ៣ នាក់ ។
នៅពេលដែលកម្លាំងយើងឃាត់ខ្លួន ត្រួតពិនិត្យឃើញថា ជនសង្ស័យ មានជាប់ពាក់ព័ន្ធករណីគ្រឿងញៀន ក្រោយពីធ្វើការសាកសួរ ក៏ឈានដល់ឃាត់ខ្លួន មុខសញ្ញាជួញដូរ និងប្រើប្រាស់គ្រឿងញៀន ១ ទៀតនាក់ ឈ្មោះ ជាង នឿន ភេទ ប្រុស អាយុ៣២ ឆ្នាំ ដកហូតបានវត្ថុតាង ៖ ឧបករណ៍សម្ភារៈសម្រាប់ជក់ថ្នាំញៀនមួយចំនួន ។
ករណីនេះ កម្លាំងសមត្ថកិច្ចជំនាញយើង កំពុងបំពេញសំណុំរឿងចាត់ការតាមនិតិវិធីច្បាប់។
