ខ្លាំងអីហ្គេម បាញ់ ត្រីក្នុង មណ្ឌល កំសាន្ត កោះពេជ្រ ដែល គណបញ្ជាការឯភាពខណ្ឌចំកាមនចុះបង្ក្រាបកាលពីប៉ុន្មានថ្ងៃកន្លងទៅបេីកដំណេីរការឡេីងវិញមិនខ្លាចលោក ថេង សុថុល អភិបាលខណ្ឌចំកាមនឡើយ

ភ្នំពេញ ៖ ហ្គេម បាញ់ ត្រី យីហោ ដាយអឺមុីនខាធូនវេីលដ៌ នៅក្នុង មណ្ឌល កំសាន្ត កោះពេជ្រ ដែល កន្លងមកត្រូវ បាន កម្លាំង គណៈបញ្ជាការឯកភាពខណ្ឌចំកាមន ដឹក នាំបញ្ជាផ្ទាល់ ដោយ លោក ថេង សុថុល អភិបាល ខណ្ឌ ចំកាមនចុះបង្ក្រាបនិងដកហូតបានទូរហ្គេមបាញ់ត្រីជាច្រេីនទូរនោះ រហូត មកដល់ពេលនេះទីតាំងនេះកំពុងបេីកដំណេីរការទទួលអ្នកញៀនល្បែងនេះឡេីងវិញហេីយសង្ស័យចរចារត្រូវគ្នា។

គួរបញ្ជាក់ថា កាលពីរសៀលថ្ងៃទី១៨ ខែសីហា នេះ រាជរដ្ឋាភិបាល កម្ពុជា បានចេញសារាចរណែនាំមួយដែលសម្រេចអោយបញ្ឈប់ចេញអាជ្ញាប័ណ្ណប្រកបរបរអាជីវកម្មល្បែងភ្នាល់តាមប្រព័ន្ធអេឡិចត្រូនិចនិងអុីនធរណេតonline គ្រប់ប្រភេទដេីម្បីធានាបាននូវការថែរក្សាការពារសន្តិសុខសាធារណៈនិងសង្គម។

ប្រជាពលរដ្ឋ កំពុង ងឿងឆ្ងល់ ថា ហេតុអ្វី បានជា ទីតាំង នេះអាច បេីកដំណេីរការណ៍បានឡេីងវិញ ព្រោះ កន្លង មកទីតាំងនេះត្រូវបានបង្ក្រាប២ដងរួចមកហេីយ ឫមួយក៏កាចុះបង្ក្រាបនេះគ្រាន់តែជាសម្ដែងល្ខោនទេ។

លោក ឃួង ស្រេង ប្រធានគណៈបញ្ជាការឯកភាពរាជធានី ភ្នំពេញ នៅព្រឹកថ្ងៃទី៣១ ខែឧសភា ឆ្នាំ២០១៩នេះ បានដាក់ចេញជាវិធានការក្ដៅលើការបង្ក្រាបបទល្មើសនានា និងបង្ក្រាបល្បែងស៊ីសង់គ្រប់ប្រភេទទាំងអស់នៅទូទាំងខណ្ឌ ទាំង១៤ ក្នុងរាជធានីភ្នំពេញ ដើម្បីឱ្យប្រជាពលរដ្ឋទទួលបានរស់នៅដោយភាពកក់ក្តៅ និងសុខសាន្តក្នុងការរស់ខណៈ ដែលប្រទេសជាតិ មានសន្តិភាពពេញបរិបូណ៌។ ការដាក់ចេញនូវវិធានការបែបនេះ បានធ្វើឡើងក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ ដោយមាន ការចូលរួមពីកម្លាំងមានសមត្ថកិច្ចទាំងពីរភេទអាជ្ញាធរ ដែនដី ទាំង១៤ខណ្ឌ និងមន្ត្រីពាក់ព័ន្ធមួយចំនួនទៀត។
លោក ឃួង ស្រេង បានមានប្រសាសន៍ថា ការបង្កើតឱ្យមាន កិច្ចប្រជុំគណៈបញ្ជាការឯកភាពនេះ គឺធ្វើឡើងក្នុងគោលបំណង ដើម្បីដាក់ចេញជាផែនការ និងវិធានការផ្សេងទៀតក្នុងការទប់ស្កាត់បទល្មើសគ្រប់ប្រភេទ ដើម្បីភាពសុខសាន្តជូនប្រជាពលរដ្ឋនៅក្នុងរាជធានីភ្នំពេញ ។
តែផ្ទុយទៅវិញ​ លោក ថេង សុថុល អភិបាលនៃគណះអភិបាល​ ខណ្ឌចំការមន ក៏ដូចជាលោក អធិការខណ្ឌចំការមន ហាក់មិនយកចិត្តទុកដាក់ចំពោះប្រសាសន៍​ អភិបាលរាជធានីទាល់តែសោះដោយល្បែងស៊ីសងនៅក្នុងមូលដ្ឋានរបស់គាត់កំពុងវាយលុបទីផ្សារបែបនេះ៕