នគរបាលឃាត់ខ្លួនប្តីយកកណ្តៀវគំរាមរកអារកប្រពន្ធនិងកូនទៀត

ខេត្តកណ្តាល៖បុរសម្នាក់ស្រវឹងស្រាវាយធ្វើបាបប្រពន្ធកូនត្រូវប៉ូលីសចាប់វ៉ៃខ្នោះករណីហិង្សាក្នុងគ្រួសារនេះកើតហេតុនៅថ្ងៃសៅរ៍១៣កើតខែ

កក្កិកឆ្នាំកុរឯកស័កព. ស២៥៦៣ត្រូវនិងថ្ងៃទី០៩ខែវិច្ឆកា

ឆ្នាំ២០១៩វេលាម៉ោង១៨.១០នាទីនៅចំនុចផ្ទះឈ្មោះយូប៊ុនលីភេទស្រីអាយុ៤៥ឆ្នាំនៅភូមិព្រែកបាឡាត់ឆឹងឃុំត្រើយស្លាស្រុកស្អាងខេត្តកណ្តាល។

ជនរងគ្រោះ០២នាក់:

១. ឈ្មោះយូប៊ុនលីភេទស្រីអាយុ៤៥ឆ្នាំជនជាតិខ្មែរនៅភូមិព្រែកបាឡាត់ឆឹងឃុំត្រើយស្លាស្រុកស្អាងខេត្តកណ្តាល  របួសជាំថ្ពាល់ខាងឆ្វេង( ត្រូវជាប្រពន្ឋ)។

២. ឈ្មោះឌួងសុខាភេទស្រីអាយុ

១៥ឆ្នាំជនជាតិខ្មែរនៅភូមិព្រែកបាឡាត់ឆឹងឃុំត្រើយស្លាស្រុកស្អាងខេត្តកណ្តាលមានរបួសស្នាមជាំខ្នង( ត្រូវជាកូន)។

ចំណែកជនសង្ស័យឈ្មោះឌួងរ៉ាដីនភេទប្រុសអាយុ៣៩ឆ្នាំជនជាតិខ្មែរនៅភូមិព្រែកបាឡាត់ឆឹង

ឃុំត្រើយស្លាស្រុកស្អាងខេត្តកណ្តាល( ឃាត់ខ្លួន) ។វត្ថុតាងចាប់យកមាន៖កណ្តៀវចំនួន០១ដងឫស្សីប្រវែង២៥សង់ទីម៉ែត្រផ្លែដែកប្រវែង២៥សង់ទីម៉ែត្រខ្សែគោពណ៌ខ្មៅប្រវែង១៧០សង់ទីម៉ែត្រ។

សភាពរឿងហេតុនេះនៅមុនពេលកើតហេតុឈ្មោះឌួងរ៉ាដីនបានផឹកស្រាស្រវឹងរួចបានជេរឡូឡាពេញផ្ទះនិងបានធាក់ប្រពន្ធឈ្មោះយូប៊ុនលីមួយជើងត្រូវចំផ្ទាល់ខាងឆ្វេងព្រមទាំងបានយកខ្សែគោវ៉ៃឈ្មោះឌួងសុខា(ត្រូវជាកូន) បណ្តាលអោយជាំខ្នងនិងបានយកកណ្តៀវគំរាមរកអារកប្រពន្ធនិងកូនទៀត។

  ក្រោយពីទទួលបានព័ត៌មាននេះភ្លាមកំលាំងនគរបាលប៉ុស្គិ៍ត្រើយស្លាបានចុះមកដល់កន្លែងកើតហេតុឃាត់ខ្លួនជនសង្ស័យខាងលើរួមនិងវត្ថុតាងមកប៉ុស្គិ៍ដើម្បីអនុវត្តបន្តតាមនីតិវិធី៕