នារីចិនរូបស្រស់ម្នាក់ លោតពីលេីជាន់ទី១២ អគារខុនដូ BALI-2
ភ្នំពេញ ៖ នារីជនជាតិចិនរូបស្រស់ម្នាក់ បានលោតពីលេីជាន់ទី១២ នៃអគារខុនដូ BALI-2 មានកម្ពស់៣១ជាន់ បោកក្បាលស្លាប់ភ្លាមៗផ្កាប់មុខក្នុងថ្លុកឈាមមួយរំពេច ដោយមិនទាន់ដឹងមូលហេតុអ្វីនោះទេ។
កាលពីម៉ោងជិត២ទៀបភ្លឺ ឈានចូលថ្ងៃទី១៤ ខែវិច្ឆិកា ឆ្នាំ២០១៩នេះ នៅចំណុចអគារខុនដូ BALI No.2 Apartment កម្ពស់៣១ជាន់ លេីផ្លូវឡេីងស្ពានហង្សកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
កម្លាំងសមត្ថកិច្ចប៉ុស្តិ៍ទន្លេបាសាក់ ចុះទៅកន្លែងកេីតហេតុ រួចរាយការណ៍ប្រាប់សមត្ថកិច្ច មានទាំងនគរបាលខណ្ឌ និងកម្លាំងអាវុធហត្ថខណ្ឌ សហការជាមួយសមត្ថកិច្ចជំនាញកោសល្យវិច្ឆ័យ ចុះត្រួតពិនិត្យមេីល ។
ក្នុងករណីនេះ សមត្ថកិច្ចបាននាំបុរសជនជាតិចិន២នាក់ ទៅសាកសួរនៅស្នាក់ការប៉ុស្តិ៍ទន្លេបាសាក់ ក្នុងនោះមានម្នាក់ជាសង្សារនារីរងគ្រោះផងដែរ៕
