ឃាត់ខ្លួនបុរសម្នាក់ ពីបទ ចោរកម្មលួចម៉ូតូ
កោះកុង៖ នៅថ្ងៃទី ១៦ ខែ វិច្ឆិកា ឆ្នាំ ២០១៩ វេលាម៉ោង ១១:០០ នាទីព្រឹក កម្លាំងអធិការដ្ឋាននគរបាលស្រុកមណ្ឌលសីមា បានឃាត់ខ្លួន ជនសង្ស័យម្នាក់ឈ្មោះ ភៀន ភ័ស្ត្រ ភេទប្រុស អាយុ ២៦ឆ្នាំ មុខបរបរ កម្មករទូកនេសាទ ពីបទ ចោរកម្មលួចម៉ូតូ របស់ប្រជាពលរដ្ឋនៅចំណុច កំពងផែប្រមូលទិញផលនេសាទ ស្ថិតក្នុងភូមិនាងកុក ឃុំប៉ាក់ខ្លង ស្រុកមណ្ឌលសីមា ។
បច្ចុប្បន្ន ជនសង្ស័យបានធ្វើការឃាត់ខ្លួននៅអធិការដ្ឋាន កំពុងសាកសួរ និងបំពេញសំណុំរឿងចាត់ការតាមនិតិវិធី៕
