គោយន្ដច្នៃកន្រ្ដៃយ៍ដឹកអនុផលឬស្សីស្រស់ប្រហារអ្នកបេីកម៉ូតូហុងដាផ្ងារជេីងនៅស្រុកឱរ៉ាល់
កំពង់ស្ពឺ ÷ ថ្ងៃសៅរ៍ថ្ងៃទី១៦ខែវិច្ឆិកាឆ្នាំ២០១៩វេលាម៉ោង១៧:៥០នាទីមានករណីគ្រោះថ្នាក់ចរាចរណ៍បង្កឡេីងរវាង ម៉ូតូ ហុងដា មួយគ្រឿងបុកជាមួយគោយន្តកន្ត្រៃយ៍ពីក្រោយបណ្តាលឲ្យរងរបួសមនុស្ស០១នាក់ធ្ងន់នៅចំណុចភូមិទួលឈើនាងឃុំសង្កែសាទបស្រុកឱរ៉ាល់ខេត្តកំពង់ស្ពឺលើផ្លូវជាតិលេខ៤៤ ចន្លោះគីឡូម៉ែត្រ(៤៥–៤៦) ។
មុនពេលកើតហេតុមានគោយន្តកន្រ្ដៃយ៍០១គ្រឿង ម៉ាក TOTA ពណ៍ក្រហមដឹកឬស្សីបើកបរក្នុងទិសដៅពីលិចទៅកើត អ្នកបេីកឈ្មោះអ៊ុកពិសិដ្ឋភេទប្រុសអាយុ២៣ឆ្នាំមានទីលំនៅភូមិខ្លាជល់ឃុំទួលសាលាស្រុកបរសេដ្ឋខេត្តកំពង់ស្ពឺលុះមកដល់ចំណុចខាងលើស្រាប់តែមានម៉ូតូ០១គ្រឿងម៉ាក HONDA Dream C125 ពណ៍ខ្មៅស៊េរីឆ្នាំ២០១៧ពាក់ផ្លាកលេខកំពង់ស្ពឺ1J-3653 បើកបរដោយឈ្មោះវុតវណ្ណាភេទប្រុសអាយុ៣៤ឆ្នាំមានទីលំនៅភូមិមនោរម្យឃុំហោងសំណំស្រុកឱរ៉ាល់ខេត្តកំពង់ស្ពឺបើកក្នុងល្បឿនលឿន បានបុកគោយន្តពីក្រោយផ្នែកខាងឆ្វេងបណ្តាលអោយរងរបួសធ្ងន់ ព្រមទាំងខូចខាតម៉ូតូ ០១គ្រឿងធ្ងន់ធ្ងរ។
តាមការបញ្ជាក់ពីមន្ត្រីជំនាញចរាចរណ៍ថា ហេតុការណ៍អាក្រក់បែបនេះសំរាប់ករណីគ្រោះថ្នាក់ចរាចរណ៍ដែលបង្កឡេីងដោយមធ្យោបាយគោយន្ដច្នៃកន្រ្ដៃយ៍ មិនមែនជាលេីកទីមួយនោះទេ សំរាប់គ្រោះថ្នាក់បែបនេះ ! ដោយសារតែការបេីកបរលឿនពេក បាត់ម្ចាស់ការ និងការផ្ទុកអនុផលដេីមឬស្សីស្រស់ មិនមានការប្រុងប្រយ័ត្នដោយចង ឬដាក់សញ្ញាសម្គាល់អ្វីអោយអ្នកដំណេីរបានមេីលឃេីញងាយគេចផុតពីគ្រោះថ្នាក់។
ក្រោយកើតហេតុសមត្ថកិច្ចនគរបាលបានចាប់យកវត្ថុតាងមករក្សាទុកនៅអធិការដ្ឋាននគរបាលស្រុកឱរ៉ាល់ជាបណ្ដោះអាសន្ន»ដេីម្បីកសាងសំណុំរឿងបញ្ជូនទៅការិយាល័យចរាចរណ៍ខេត្ដចាត់ការតាមនីតិវិធី៕
