យន្តហោះ ដឹកលោកស្រី ហ៊ីលឡារីគ្លីនតុន ចុះចតបន្ទាន់ បន្ទាប់ពីបញ្ហាមេកានិច
នាវិកបានបញ្ជាក់ថា យន្ដហោះបានចាប់ផ្តើមរង្គោះរង្គើ ក្នុងអំឡុងពេលហោះហើរ ហើយពួកគេត្រូវត្រឡប់ទៅច្រកទ្វារវិញ។ ក្រោយពេលកើតហេតុ ពួកគេបានរកឃើញកម្ទេចកម្ទីដែក នៅតំបន់នោះ។
យោងតាមប្រភពពីសមត្ថកិច្ចបានឲ្យដឹងថា ការហោះហើររបស់ក្រុមហ៊ុនអាកាសចរណ៍អាមេរិចអ៊ែរឡាញលេខ ២១៤៤ ជាមួយហ៊ីលឡារីគ្លីនតុន បានវិលត្រឡប់មកខ្លោងទ្វារវិញ បន្ទាប់ពីទទួលរងនូវបញ្ហាមេកានិច។
យន្តហោះនេះ ធ្វើដំណើរពីអាកាសយានដ្ឋាន LaGuardia ក្រុងញូវយ៉ក ឆ្ពោះទៅអាកាសយានដ្ឋានជាតិរីហ្គែន របស់ទីក្រុងវ៉ាស៊ីនតោន។
ក្រុមហ៊ុនអាកាសចរណ៍បានរាយការណ៍ថា អ្នកដំណើរបានហោះហើរមួយទៀត ទៅកាន់ទីក្រុងវ៉ាស៊ីនតោន ជិតពីរម៉ោងក្រោយមក។
លោកស្រីគ្លីនតុន មិនទាន់ធ្វើអត្ថាធិប្បាយអំពីឧប្បត្តិហេតុនេះទេ៕