ទៀតហើយពុទ្ធោ.! មុននេះបន្តិច ធ្លាក់ដែកពីលើសំណង់អគារ៤២ ជាន់ ត្រូវរថយន្តទំនើបមួយគ្រឿង ព្រលឹងចុងសក់
ភ្នំពេញ៖ ប្រជាពលរដ្ឋរស់នៅក្បែរសំណង់អគារខ្ពស់កប់ពពក ដល់៤២ជាន់ ភ័យស្លន់ស្លោលោះព្រលឹងមិនតិចទេ ខណៈឃើញធ្លាក់ដែកពីលើដំបូលអគារ ចំត្រូវរថយន្តទំនើបមួយគ្រឿងម៉ាកម៊ែរសឺដេស ។
ករណីនេះត្រូវបានគេឃើញកើតឡើង កាលពីវេលាម៉ោង១និង៣០នាទី ថ្ងៃត្រង់ថ្ងៃទី២០ ខែវិច្ឆិកា ឆ្នាំ២០១៩ នៅចំណុចសំណង់អគា៤២ជាន់ ផ្លូវព្រះមុនីវង្ស សង្កាត់បឹងកេងកង១ ខណ្ឌបឹងកេងកង។ រថយន្តដែលរងគ្រោះនោះ ម៉ាកម៊ែសឺដេស ពណ៌ខ្មៅ ពាក់ផ្លាកលេខ ភ្នំពេញ 2BC 778។
នេះអាចកើតឡើង ដោយកត្តាធ្វេសប្រហែស នៃម្ចាស់ការដ្ឋានសំណង់យក្សនេះ ងាយនឹងប្រឈមគ្រោះថ្នាក់ដល់អាយុជីវិតមនុស្ស ដោយផុយស្រួយបំផុត បើមិនបានគោរពទៅតាមបែបបទដ្ឋានបច្ចេកទេស និងការហ៊ុមព័ទ្ធការដ្ឋាននេះ៕
