សង្ស័យភ្លើងប្រច័ណ្ឌ ឃាតករ មិនស្គាល់មុខ ចាប់កម្មការិនីម្នាក់ អារកសម្លាប់ទាំងព្រឹក នៅក្នុងរោងចក្រ TY
ខេត្តស្វាយរៀង ៖ កម្មការិនីម្នាក់ ដែលបម្រើការងារនៅក្នុងរោងចក្រ TY ត្រូវបានឃាតករមិនស្គាល់មុខ លួចចាប់អារកសម្លាប់យ៉ាងព្រៃផ្សៃនៅក្នុងរោងចក្រ ដែលស្ថិតនៅចំណុច ភូមិដើមពោធិ៍ ឃុំកណ្ដៀងរាយ ស្រុកស្វាយទាប ខេត្តស្វាយរៀង។ ហេតុការណ៍នេះ បានកើតឡើង នៅវេលាម៉ោងប្រមាណ ៦ព្រឹក ថ្ងៃទី២២ ខែវិច្ឆិកា ឆ្នាំ2019។
ប្រភពពីសមត្ថកិច្ចបានដឹងថា ជនរងគ្រោះមានឈ្មោះ ឃឹម ភីសា អាយុ ២៥ឆ្នាំ រស់នៅភូមិឈើទាល ឃុំឈើទាល ស្រុកស្វាយជ្រំ ខេត្តស្វាយរៀង បម្រើការងារនៅក្នុងរោងចក្រខាងលើមានតួនាទីជា QC ។ ចំណែកបុរសជាជនដៃដល់ កំពុងរត់គេចខ្លួនបាត់។
សមត្ថកិច្ចមូលដ្ឋាន បានចុះទៅដល់កន្លែងកើតហេតុ ត្រួតពិនិត្យ និងធ្វើកោសល្យវិច័យ ហើយពេលនេះ កំពុងដុតដៃដុតជើង ស្វែងរកឃាតករយកមកផ្ដន្ទាទោសតាមច្បាប់។
ករណីនេះ ប្រភពខ្លះបានបង្ហើបឱ្យដឹងថា សង្ស័យជាផ្ដើមចេញពីភ្លើងប្រច័ណ្ឌ ៕
