កន្លែងជក់និងជួញដូរគ្រឿងញៀន ដ៏សកម្ម១កន្លែងនៅឃុំគគីរកម្លាំងសមត្ថកិច្ចប៉ូលិសស្រុកកៀនស្វាយបង្រ្កាប

កណ្ដាល៖កាលពីរសៀលថ្ងៃទី៣ខែធ្នូឆ្នាំ២០១៩នេះលោកព្រុំ សំណាង អធិការប៉ូលិសស្រុកកៀនស្វាយបានដឹកនាំកម្លាំងចុះទៅបង្រ្កាបទីតាំងជួញដូរគ្រឿងញៀនដ៏សកម្មមួយកន្លែងនៅភូមិទួលត្នោត ឃុំគគីរ ស្រុកកៀនស្វាយ ខេត្តកណ្ដាលដោយចាប់ឃាត់ខ្លួនជនសង្ស័យជក់និងជួញដូរគ្រឿងញៀនចំនួន៤ក្នុងចំណោមគូកនវា៥នាក់ និង គ្រឿងជាច្រើនកញ្ចប់ព្រមទាំងសម្ភារះវេចខ្ចប់ប្រើប្រាស់គ្រឿងញៀនជាច្រើនទៀតផងដែរ។
លោកព្រុំ សំណាង អធិការប៉ូលិសស្រុកកៀនស្វាយបានអោយដឹងថាចំពោះជនសង្ស័យមានគ្នាចំនួន៤នាក់ ក្នងចំណោម៥នាក់រួមមានៈ
ទី១ឈ្មោះ ជា សំណាង ភេទប្រុស អាយុ៣១ ឆ្នាំ (ខ្មែរ) មុខរបរមិនពិត មានទីលំនៅភូមិ ឃុំ កើតហេតុខាងលើនេះ (ឃាត់ខ្លួន)
ទី២ឈ្មោះ ស្រ៊ុន លីមហួរ (ខ្លា)ភេទប្រុស អាយុ ២៩ឆ្នាំ(ខ្មែរ) មុខរបរ មិនពិត មានទីលំនៅភូមិ ដូនស ឃុំគគីរ ស្រុកកៀនស្វាយ ខេត្តកណ្តាល(ឃាត់ខ្លួន)
ទី៣ឈ្មោះ ហុិន វុិត (ពៅ) ភេទប្រុស អាយុ ៣០ ឆ្នាំ(ខ្មែរ)មុខរបរកម្មករ មានទីលំនៅ ភូមិ ព្រែកធំ សង្កាត់ ក្បាលកោះ ខណ្ឌ័ច្បាអំពៅ ក្រុងភ្នំពេញ (ឃាត់ខ្លួន)
ទី៤ឈ្មោះ ជា រិទ្ធី (សឺង)ភេទប្រុស អាយុ ២៥ ឆ្នាំ(ខ្មែរ)មុខរបរមិនពិត មានទីលំនៅ ភូមិ ឃុំ កើតហេតុ (ឃាត់ខ្លួន)
និងទី៥ឈ្មោះ សោម ណារ័ត្ន ភេទប្រុសអាយុ២៣ឆ្នាំ(ខ្មែរ)មុខរបរ ពុំពិតប្រាកដ មានទីលំនៅភូមិភូមិធំ ឃុំភូមិធំ ស្រុកកៀនស្វាយ ខេត្តកណ្ដាល(រត់គេចខ្លួន)
លោកអធិការប៉ូលិសស្រុកកៀនស្វាយបានអោយដឹងទៀតថាចំពោះវត្ថុតាងចាប់យករួមមាន:
១/ ម្សៅក្រាមសថ្លាសង្ស័យ ជាសារធាតុញៀន(ម៉ាទឹកកក) ចំនួន ០៤ កញ្ចប់នឹងសំភារៈវុិចខ្ចប់និងប្រើប្រាស់មួយចំនួនថែមទៀត។
២/ ទូរសព្ទ័ដៃចំនួន ០២ គ្រឿងម៉ាកអុិនចុចពិល ០១គ្រឿង ពណ៌ផ្ទៃមេឃ
ម៉ាកSamsung ០១គ្រឿង​ ។
លោកអធិការប៉ូលិសស្រុកកៀនស្វាយព្រុំ សំណាងបានអោយដឹងទៀតថានៅរសៀលថ្ងៃខាងលើ នេះកំលាំងប៉ុស្ដិ៍នគរបាលរដ្ឋបាលគគីរ បានទទួលពណ៌មានពីប្រជាជនមកថានៅផ្ទះឈ្មោះ ជា សំណាង ខាងលើនេះកំពុងតែធ្វើសកម្មភាពចែកចាយគ្រឿងញៀននឹងប្រើប្រាស់គ្រឿងញៀន ហើយភ្លាមនោះកម្លាំងសមត្ថកិច្ចប៉ូលិសស្រុកកៀនស្វាយនិងកំលាំងផ្នែកប្រឆាំងបទល្មើសគ្រឿងញៀនស្រុក សហការជាមួយប៉ុស្តិ៍នគរបាលរដ្ឋបាលគគីរ បានចុះទៅដល់កន្លែងកើតហេតុ ហើយបានឃាត់ខ្លួន ជនសង្ស័យខាងលើយកមកសួរនាំ នឹងធ្វើការឆែកឆេរ ផ្ទះជនសង្ស័យ ក៍ប្រទះឃើញម្សៅក្រាមសថ្លាសង្ស័យជាសារធាតុញៀន(ម៉ាទឹកក)ចំនួន០៤កញ្ចប់នឹងសំភារៈវុិចខ្ចប់ និងប្រើប្រាស់មួយចំនួននៅលើផ្ទះជនសង្ស័យ ភ្លាមនោះសមត្ថកិច្ចយើងបានឃាត់ ខ្លួនជនសង្ស័យ ខាងលើ រួមនឹងវត្ថុតាង យកមកប៉ុស្តិ៍នគរបាលរដ្ឋបាលគគីរដើម្បីសួរនាំ ។
នៅចំពោះមុខសមត្ថកិច្ច ជនសង្ស័យ ខាងលើបានឆ្លើយសារភាពថា ថ្នាំញៀន(ម៉ាទឹកកក) នេះជារបស់ខ្លួនដែលខ្លួនបានទិញពីឈ្មោះ សោម ណារត្ន័ ភេទប្រុស អាយុ ២៣ ឆ្នាំ(ខ្មែរ) មុខរបរមិនពិត មានទីលំនៅ ភូមិភូមិធំ ឃុំភូមិធំ ស្រុកកៀនស្វាយ ខេត្តកណ្តាល សំរាប់យកមកប្រើប្រាស់ នឹងចែកចាយលក់បន្ត ។ ក្រោយសួរនាំចប់បានបញ្ជូនសង្ស័យ រួមទាំងវត្ថុតាងមកកាន់អធិការដ្ឋាននគរបាលស្រុកកៀនស្វាយដើម្បីសាកសួរ និងបន្តរចាត់ការតាមនិតិវិធី៕