គ្រោះថ្នាក់ចរាចរណ៍រវាងរថយន្តដឹកដីបើកលឿន ពេលចុះចំណោត បុករះប៉ះរថយន្តស្តារុិច២គ្រឿង និងម៉ូតូមួយគ្រឿងទៀត នៅផ្លូវចំណោតលោកយាយម៉ៅ

ក្រុងព្រះសីហនុ-ពលរដ្ឋប្រាប់ជាបឋមថា មានគ្រោះថ្នាក់ចរាចរណ៍រវាងរថយន្តដឹកដីបើកលឿនពេលចុះចំណោត បុករះប៉ះរថយន្តស្តារុិច២គ្រឿងនិងម៉ូតូមួយគ្រឿងទៀតនៅផ្លូវចំណោតលោកយាយម៉ៅក្រុងព្រះសីហនុ វេលាម៉ោង៤កន្លះល្ងាចថ្ងៃ៥ធ្នូ២០១៩នេះ បណ្តាលអោយបុរសអ្នកជិះម៉ូតូរងរបួសធ្ងន់បាក់ជើង ក្នុងនោះរថយន្តធំបានក្រឡាប់ធ្លាក់ផ្លូវដែរ។ បើតាមពលរដ្ឋថាអ្នកបើកបររថយន្តដឹកដីបង្កហេតុ ជាយុវជនវយ័ក្មេង ត្រូវបានប្រជាពលរដ្ឋនាំគ្នាជួយគាស់យកពីរថយន្តដែលក្រឡាប់នោះផងដែរ ប៉ុន្តែមិនមានរងរបួសធ្ងន់ធ្ងរទេនិងថាក្រោយមកយុវជនអ្នកបើកបររូបនោះបានរំដោះខ្លួនរត់គេចបាត់ ដែលទំនងជាដោយសារខ្លាចកើតមានអំពើហឹង្សាពីមហាជនដែលចោមរោមមើល៕