លោកHeng Loong ដៃម្ខាងអប់រំ ដៃម្ខាងកាន់កំប៉ុងស្រាបៀរ ជម្រុញឲ្យបង្កើនគ្រោះថ្នាក់ចរាចរណ៍

ភ្នំពេញ៖ លោកHeng Loong ដៃម្ខាងអប់រំ ដៃម្ខាងជម្រុញឲ្យបង្កើនគ្រោះថ្នាក់ចរាចរណ៍ កើតឡើងបន្ថែមទៀត ហើយបើលោHeng Loong ចង់អបអរសាទរកីឡាករបាល់ទាត់គឺគួរដៃលោកកាន់បាល់ មិនមែនស្រាបៀរទេ។

លោកពេជ្រ ស្រស់ ប្រធានគណបក្សយុវជនកម្ពុជា បានថ្លែងថា តើ Heng Loong កាន់កំប៉ុងអីដែរ?សុំម្នាក់មួយមាត់មកបងប្អូន..ហើយ បើHeng Loong ចង់អបអរសាទរកីឡាករបាល់ទាត់គឺគួរដៃលោកកាន់បាល់ មិនមែនបៀរទេ ពិតទេបងប្អូន?

នៅលទំព័រហ្វេសប៊ុល នៅថ្ងៃទី០៧ ធ្នូ ២០១៩នេះ លោកពេជ្រ ស្រស់ បានលើកឡើងថា Heng Loong ដៃម្ខាងអប់រំ ដៃម្ខាងជម្រុញឲ្យបង្កើនគ្រោះថ្នាក់ចរាចរណ៍កើតឡើងបន្ថែមទៀត។ បើទោះបីជាពាក់មួកសុវត្ថិភាពយ៉ាងណាក៏ដោយនៅពេលគ្រឿងស្រវឹងចូលខ្លួនហើយ ម៉ែ ឪ មួកសុវត្ថិភាពទៀតក៏ជួយមិនឈ្នះនោះដែរគឺផ្ទុះទាំងមួកនឹងទៀត។

លោកថា តើពេលណាទើបកាត់បន្ថយនូវគ្រោះថ្នាក់ចរាចរណ៍នៅកម្ពុជាបានទៅ…? បើអ្នកអប់រំអំពីការបង្ការនូវគ្រោះថ្នាក់ និងអ្នកជំរុញឲ្យមានកំណើននូវគ្រោះថ្នាក់ចរាចរណ៍ គឺជាមនុស្សតែ១ និងក្រុមតែ១យ៉ាងដូច្នេះនោះ ។ ដើម្បីតែជីវភាពផ្ទាល់ខ្លួនគឺមិនខ្វល់ពីសេចក្តីស្លាប់របស់អ្នកដទៃ គឺ ពិតជាសង្វេគខ្លាំងណាស់។ សុំបងប្អូនកុំយកគ្រឿងស្រវឹងធ្វើជាគ្រឿងអលង្កាពាក់លើខ្លួនអី ពីព្រោះវាមិនទាន់សម័យដូចហ្វូងតារាកំពុងផ្សព្វផ្សាយនេះទេ ដោយ
ហេតុថាគ្រឿងស្រវឹងគឺជាមឈូសសំរាប់ដាក់បងប្អូនទៅវិញទេ។

ករណីខាងលើនេះ លោកហេង ឡុង បានចេញសារឆ្លើយតបវិញថា សូមផ្តាំទៅ ឯកឧត្តម ពេជ្រ ស្រស់ ខ្ញុំមិនបានផ្សព្វផ្សាយគ្រឿងស្រវឹងទេ ខ្ញុំបង្ហាញពីការអបអរសាទរក្រុមកីឡាករបាល់ទាត់ជម្រើសជាតិកម្ពុជា ដែលបានទទួលជ័យជំនះជាប្រវត្តិសាស្ត្រ និងជូនពរឱ្យឈានទៅទទួលបានមេដាយមាស។ នេះគ្រាន់តែជារូបភាព ដើម្បីឲ្យស៊ីទៅនឹងអត្ថន័យអបអរសាទរ និងជ័យជម្នះតែប៉ុណ្ណោះ មិនមែនជារូបភាពកំពុងតែអង្គុយផឹកស្រាបៀរឡើយ។ សូមឯកឧត្តម ទទួលការរាប់អានពីខ្ញុំបាទដោយអនុគ្រោះ។ (បើស្រវឹង កុំបើកបរ)

លោកបន្តថា អបអរសាទរជាប្រវត្តិសាស្ត្រ ដែលក្រុមជម្រើសជាតិបាល់ទាត់កម្ពុជាU22 ឈានទៅវគ្គពាក់កណ្ដាលផ្ដាច់ព្រ័ត្រ។ បងប្អូនខ្មែរទាំងអស់គ្នា លើកទឹកចិត្តពីចម្ងាយជូនពរឱ្យក្រុមជម្រើសជាតិកម្ពុជាយើងទទួលបានមេដាយមាស។

ចំណែកបណ្តាញសង្គមបានខមមិនលើហ្វេសប៊ុកថា សុំជូនពរឱ្យលក់កាន់តែដាច់ចំណេញកាន់តែច្រើន កើនអ្នកគាំទ្រកាន់តែខ្លាំងឯកម្លាំកាន់តែធ្លាក់ចុះ។ តម្លៃខ្លួនចូលរួមផ្សព្វផ្សាយបានកាន់តែខ្ពស់ បើមិនស្រឡាញ់សុភាពនិងប្រទេសជាតិចូលរួមផឹកទាំងអស់គ្នា បញ្ជាក់ស្រាបៀរជាតិចូលរួមបំផ្លាញជាតិ៕