បង្ក្រាបបទល្មើសគ្រឿងញៀនជិត១២ខែ ឆ្នាំ២០១៩ បង្ក្រាប ចំនួន 9,055 ករណី ឃាត់ខ្លួនជនសង្ស័យ 18,965 នាក់ ចាប់យកសារធាតុញៀនគ្រប់ប្រភេទ ទម្ងន់ 676Kg
ភ្នំពេញ ៖ លទ្ធផលកិច្ចប្រតិបត្តិការបង្ក្រាបបទល្មើសគ្រឿងញៀន ចាប់ពីថ្ងៃទី១ ខែមករា ដល់ ថ្ងៃទី៨ ខែធ្នូ ២០១៩ គឺកម្លាំងសមត្ថកិច្ច
បង្ក្រាប ចំនួន 9,055 ករណី ឃាត់ខ្លួនជនសង្ស័យ 18,965 នាក់ មានជនបរទេស 381 នាក់ មាន 12 សញ្ជាតិ ចាប់យកសារធាតុញៀនគ្រប់ប្រភេទ ទម្ងន់ 676Kg 770,26g និង កញ្ឆាក្រៀម 99kg 970,99g កញ្ឆាស្រស់ 86,416 ដើម។
នៅព្រឹកថ្ងៃចន្ទ ទី៩ ខែធ្នូ ឆ្នាំ២០១៩ លោក នាយឧត្តមសេនីយ៍ ម៉ក់ ជីតូ អគ្គស្នងការរង ទទួលផែនប្រឆាំងបទល្មើសគ្រឿងញៀន បានដឹកនាំអង្គប្រជុំ បូកសរុប លទ្ធផល ប្រចាំខែវិច្ឆិកា ឆ្នាំ២០១៩ និង លើកទិសដៅការងារបន្តអញ្ជើញចូលរូម លោក ឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន លោកនាយករងមន្ទីរ និង នាយការិយាល័យចំណុះ សរុបចំនួន ៤១ រូប ។
ក្នុងកិច្ចប្រជុំនេះ វាយតម្លៃអំពីសភាពការណ៍ បទល្មើសគ្រឿងញៀន នៅបណ្តាប្រទេសក្នុងតំបន់ និងនៅកម្ពុជា ។
បើតាមរបាយការណ៍ពីលទ្ធផលកិច្ចប្រតិបត្តិការបង្ក្រាបបទល្មើសគ្រឿងញៀនប្រចាំខែវិច្ឆិកា ឆ្នាំ២០១៩ បង្ក្រាប ៧៣៥ ករណី ឃាត់មនុស្ស ១៤៦៥ នាក់ ស្រី ១០៥ នាក់ ក្នុងនោះ ៖ ជួញដូរ 429 ករណី ឃាត់ 828 នាក់ ស្រី 73 នាក់. ប្រើប្រាស់ 305 ករណី ឃាត់ 636 នាក់ ស្រី 32 នាក់. ផលិតកែច្នៃ 1 ករណី ឃាត់ 1 នាក់. ឃាត់ជនបរទេស 20 នាក់ ស្រី 1 នាក់ (ជនជាតិវៀតណាម 13 នាក់ ចិន 4 នាក់(ស្រី១) និហ្សេរីយ៉ា 1 នាក់ ម៉ាឡេស៊ី 1 នាក់ និងឥណ្ឌូណេស៊ី 1 នាក់ ) សមត្ថកិច្ចចាប់យក វត្ថុតាង សារធាតុញៀនសរុប 40kg 511.85g មេតំហ្វេតាមីន ICE 10kg 432.32g, WY 27kg 678g, Ketamine 1kg 283.30g, MDMA 1kg 118.18g និង អនុវត្ដតាមដីកា ចំនួន 24 ដីកា ចាប់ខ្លួនមនុស្ស 21 នាក់ ។
ចំពោះលទ្ធផលបូកសរុបបង្ក្រាបបទល្មើស របស់មន្ទីរប្រឆាំងគ្រឿងញៀន ចាប់ពីថ្ងៃទី១ ខែមករា ដល់ ថ្ងៃទី៨ ខែធ្នូ ២០១៩ សមត្ថកិច្ច បង្ក្រាប ចំនួន 1,688 ករណី ឃាត់ខ្លួនជនសង្ស័យ 2,708 នាក់ ស្រី 224 នាក់. ជួញដូរ រក្សាទុក កែច្នៃសម្រួល 802 ករណី ឃាត់ 1,189 នាក់(ស្រី 136 នាក់) ករណីប្រើប្រាស់ 886 ករណី ឃាត់ 1,519 នាក់(ស្រី 88នាក់) ចាប់យកសារធាតុញៀនគ្រប់ប្រភេទ ទម្ងន់ 453Kg 133g ។
ចំពោះលទ្ធផលអនុវត្តន៍ច្បាប់ ចាប់ពីថ្ងៃទី១ ខែមករា ដល់ ថ្ងៃទី៨ ខែធ្នូ ២០១៩ សមត្ថកិច្ច បង្ក្រាប ចំនួន 9,055 ករណី ឃាត់ខ្លួនជនសង្ស័យ 18,965 នាក់ ស្រី 1,260 នាក់ មានជនបរទេស 381 នាក់ ស្រី 63នាក់ មាន 12 សញ្ជាតិ ជួញដូរ រក្សាទុក កែច្នៃ ចាត់ចែង និងដាំដុះ 5,380 ករណី ឃាត់ 10,287 នាក់(ស្រី 841 នាក់). ករណីប្រើប្រាស់ 3,675 ករណី ឃាត់ 8,678 នាក់(ស្រី 419នាក់)
ចាប់យកសារធាតុញៀនគ្រប់ប្រភេទ ទម្ងន់ 676Kg 770,26g និង កញ្ឆាក្រៀម 99kg 970,99g កញ្ឆាស្រស់ 86,416 ដើម និង អនុវត្ដន៍តាមដីកា ចំនួន 295 ដីកា ចាប់ខ្លួន 290 នាក់(ស្រី 10នាក់) ។
បញ្ហាប្រឈមនានា ក្នុងពេលចុះតស៊ូករណី និងកិច្ចប្រតិបត្តការបង្ក្រាបបទល្មើស ។ ក្នុងនោះ លោក នាយឧត្តមសេនីយ៍ ម៉ក់ ជីតូ និង លោកឧត្តមសេនីយ៍ឯក ឡឹក វណ្ណៈ បានលើកឡើង និងសង្កត់ធ្ងន់ថា ក្នុងពេលចុះប្រតិបត្តិការ ត្រូវប្រកាន់ភ្ជាប់វិន័យកងកម្លាំងនគរបាលជាតិ ក្រមសីលធម៌ អនុវត្តន៍តាមនីតិវិធី និងច្បាប់ ៕
