ឃោសនាបោះឆ្នោត របស់គណបក្សនយោបាយ ១៤ថ្ងៃ មានពាក្យបណ្តឹង១៤ករណី ដោះស្រាយរួច៩ករណី
ភ្នំពេញ៖ គណៈកម្មាធិការជាតិរៀបចំការបោះឆ្នោត បានចេញសេចក្ដីប្រកាសព័ត៌មាន លេខ ១២៧៖ ថ្ងៃទី១៤ នៃយុទ្ធនាការឃោសនាបោះឆ្នោត ជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ ដោយបានបញ្ជាក់ថា បរិយាកាសន្តិសុខ សុវត្ថិភាព និងសណ្តាប់ធ្នាប់សាធារណៈ នាឱកាសឃោសនាបោះឆ្នោត របស់គណបក្សនយោបាយ នៅថ្ងៃទី១៤នេះ ត្រូវបានធានា ហើយការឃោសនាបានប្រព្រឹត្តទៅដោយរលូន គ្មានអំពើហិង្សា នៅក្របខ័ណ្ឌទូទាំងប្រទេស។ រហូតមកដល់ថ្ងៃនេះ អ្វីដែលគួរឲ្យគត់សម្គាល់នោះ គឺគណៈកម្មការឃុំសង្កាត់រៀបចំការបោះឆ្នោត បានទទួលពាក្យបណ្តឹងសរុបចំនួន១៤ករណី ហើយ៩ករណីបានដោះស្រាយរួច និង៤ករណី កំពុងដោះស្រាយ ។ ១ករណីទៀត ប្តឹងមកគណៈកម្មការរៀបចំការបោះឆ្នោតខេត្តកណ្តាល៕
