កម្លាំងប្រឆាំងគ្រឿងញៀនខេត្ត ឃាត់ខ្លួនមនុស្ស២នាក់ដកហូតថ្នាំញៀនជាង១ពាន់គ្រាប់
ឧត្តរមានជ័យ៖កម្លាំងការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តឧត្តរមានជ័យនិងមានការចូលរួមប៉ុស្តីរដ្ឋបាលអូស្មាច់នឹងក្រោមការដឹកនាំបញ្ជាផ្ទាល់ពីលោកវរសេនីយ៍ឯកថោងសាមិស្នងការរងទទួលផែនប្រឆាំងបទល្មើសគ្រឿងញៀនចុះបង្ក្រាបករណីជូញដូរនិងចែកចាយគ្រឿងញៀន០១ករណីត្រង់ចំណុចភូមិគីរីមង្គលសង្កាត់អូស្មាច់ក្រុងសំរោងខេត្តឧត្តរមានជ័យឃាត់ខ្លួនជនសង្ស័យបានចំនួន០២នាក់ស្រី០១នាក់។
ជនសង្ស័យត្រូវសមត្ថកិច្ចឃាត់ខ្លួននៅវេលាម៉ោងប្រមាណ២១និង១៥នាទីថ្ងៃទី១៧ខែធ្នូឆ្នាំ២០១៩រួមមាន៖១-ឈ្មោះសេងទូចភេទស្រីអាយុ៤២ឆ្នាំរស់នៅភូមិតាមិមឃុំតាមិមស្រុកស្ទឹងសែនខេត្តបាត់ដំបងនិង២-ឈ្មោះស៊ីវនុស្សាអាយុ៣២ឆ្នាំរស់នៅភូមិអភិវឌ្ឍន៍សង្កាត់សំរោងក្រុងសំរោងខេត្តឧត្តរមានជ័យ
ដកហូតវត្តុតាងរួមមាន៖ថ្នាំប្រភេទមេតំហ្វេតាមីន(WY) ពណ៌ក្រហមចំនួន១២០៦គ្រាប់,ទូរសព្ទចំនួន៣គ្រឿង, ម៉ូតូ០១គ្រឿង។
បច្ចុប្បន្នជនសង្ស័យរួមនឹងវត្ថុតាងខាងលើត្រូវបានកម្លាំងជំនាញកសាងសំណុំរឿងអនុវត្តបន្តតាមនីតិវិធីនៃច្បាប់៕
