រថយន្តធំមួយគ្រឿង បុកជាមួយរថយន្តតូចដឹកសិស្ស រងរបួសចំនួន ២១នាក់
កណ្តាល៖ អធិការដ្ឋាននគរបាល ស្រុកពញាឭ បានរាយការណ៍ថា ករណីរថយន្តធំមួយគ្រឿង បុកជាមួយរថយន្តតូច ដឹកសិស្សសាលាភាសារអង់គ្លេស អេ អ៉ី ធី កំពុងឈប់ដាក់សិស្សចូលផ្ទះ នគរបាលបានសន្និដ្ឋានថា មកពីអ្នកបើកបររថយន្តម៉ាក HYUNDAI បើកបរមានការធ្វេសប្រហែស មានល្បឿនលឿន ខ្វះការប្រុងប្រយ័ត្ន។
គ្រោះថ្នាក់ចរាចរណ៍ផ្លូវគោកនេះ បង្កឡើងរវាងរថយន្តធំ បុកជាមួយរថយន្តតូច (ដឹកសិស្សសាលាភាសារអង់គ្លេស អេ អ៉ី ធី) បណ្តាលឲ្យរងរបួសចំនួន ២១នាក់(ស្រី ១៥នាក់) របួសធ្ងន់ ៥នាក់(ស្រី) របួសស្រាល ១៦នាក់(ស្រី ១០នាក់) និងបានបញ្ជូនទៅមន្ទីរពេទ្យគន្ធបុប្ផា មន្ទីរបង្អែកស្រុកពញាឮ គ្លីនិកប្រាក់សំអន ដែលកើតហេតុថ្ងៃអង្គារ៍ ទី១៧ ខែធ្នូ ឆ្នាំ២០១៩ វេលាម៉ោ១៩ និង៤០នាទី នៅចំណុចផ្លូវជាតិលេខ៥ ចន្លោះគីឡូម៉ែត្រលេខ ២៧-២៨ ស្ថិតក្នុងភូមិទួលអំពិល ឃុំពញាឮ ស្រុកពញាឮ ខេត្តកណ្តាល។
នគរបាលបានបញ្ជាក់ពីសភាពនៃរឿងហេតុនេះថា នៅថ្ងៃ ខែ ឆ្នាំ វេលាម៉ោងកើតហេតុខាងលើ មានរថយន្តមួយគ្រឿងម៉ាក HYUNDAI (ប្រភេទរថយន្តសណ្តោងរឺម៉ក) ពណ៌លឿង ពាក់ផ្លាកលេខ ព្រះសីហនុ 3A-7642 (ជារថយន្តបង្ក) អ្នកបើកបររថយន្ត មិនស្គាល់អត្តសញ្ញាណ (រត់គេចខ្លួនបាត់ពីកន្លែងកើតហេតុ)។ បើកបរមានទិសដៅពីជើង ទៅត្បូង លុះពេលបើកបរមក ដល់ចំណុចកើតហេតុខាងលើ បានបុកពីក្រោយរថយន្តដឹកសិស្សមួយគ្រឿង ដែលកំពុងឈប់ដាក់សិស្ស ចូលលំនៅដ្ឋាន ដែលមានទិសដៅស្របគ្នាពីជើង ទៅត្បូង ម៉ាក SSANG YONG ពណ៌ស ពាក់ផ្លាកលេខ ភ្នំពេញ 2Q-3270 បើកបរដោយឈ្មោះ អុន ភារម្យ ភេទប្រុស អាយុ ២៨ឆ្នាំ មានទីលំនៅភូមិទួលងោក ឃុំកំពង់លួង ស្រុកពញាឮ ខេត្តកណ្តាល។
អ្នករងរបួសទាំង ២១នាក់ មានឈ្មោះដូចខាងក្រោម: ១- សៀម សុខទីន ភេទប្រុស អាយុ ១៥ឆ្នាំ ២- កឿង ថារី ភេទស្រី អាយុ ១៦ឆ្នាំ
៣- ង៉ា លីហ្សា ភេទស្រី អាយុ ១៥ឆ្នាំ ៤- អឿន សុខណាន ភេទស្រី អាយុ ១៤ឆ្នាំ ៥- ចក់ ជីវ័ន្ត ភេទប្រុស អាយុ ១៣ឆ្នាំ ៦- ញ៉ឹល ស្រីយ៉ា ភេទស្រី អាយុ ១៥ឆ្នាំ ៧- រដ្ឋា ណាវី ភេទស្រី អាយុ ១៤ឆ្នាំ ៨- ម៉ៃ ស្រីណូ ភេទស្រី អាយុ ១៧ឆ្នាំ ៩- ម៉ា អារីយ៉ា ភេទស្រី អាយុ ១៥ឆ្នាំ ១០- យ៉ា ណារីផល ភេទស្រី អាយុ ១៤ឆ្នាំ ១១- សុទ្ធ រតនស្រីពេជ្រ ភេទស្រី អាយុ ១៤ឆ្នាំ ១២- វឿន ស្រីល័ក្ខ ភេទស្រី អាយុ ១៣ឆ្នាំ ១៣- ហេង វីសាំង ភេទស្រី អាយុ ១៤ឆ្នាំ ១៤- សេក ធារ័ត្ន ភេទប្រុស អាយុ ១៥ឆ្នាំ ១៥- យ៉ុន ចរិយា ភេទស្រី អាយុ ១២ឆ្នាំ
១៦- ហ៊ុម ស្រីណា ភេទស្រី អាយុ ១៥ឆ្នាំ ១៧- ឆន លក្ខិណា ភេទស្រី អាយុ ១៣ឆ្នាំ ១៨- ចាន់ រ៉ាយុទ្ធ ភេទប្រុស អាយុ ១៤ឆ្នាំ ១៩- ទួន វណ្ណៈ ភេទស្រី អាយុ ១៥ឆ្នាំ ២០- កាន់ គឹមហេង ភេទប្រុស អាយុ ១៥ឆ្នាំ ២១- ហ៊ុន ធរណិនូ ភេទប្រុស អាយុ ១២ឆ្នាំ។ អ្នកទាំង២១នាក់ មានទីលំនៅភូមិពញាឮ ទួលអំពិល ឃុំពញាឮ ស្រុកពញាឮ ខេត្តកណ្តាល។
ចំណែកវត្ថុតាងទាំងពីរ ត្រូវបានយកមករក្សាទុកបណ្តោះអាសន្ន នៅអធិការដ្ឋាននគរបាលរដ្ឋបាលស្រុកពញាឮ ដើម្បីបន្តនីតិវិធី។
ការសន្និដ្ឋាន ករណីខាងលើនេះ បណ្តាលមកពីអ្នកបើកបររថយន្តម៉ាក HYUNDAI បើកបរមានការធ្វេសប្រហែស មានល្បឿនលឿន ខ្វះការប្រុងប្រយ័ត្ន៕
