ក្រសួងមហាផ្ទៃ ឲ្យគណបក្សហ៊្វុនស៊ិនប៉ិច ពន្យារពេលការរៀបចំធ្វើសមាជវិសាមញ្ញ ដើម្បីដោះស្រាយបញ្ហាផ្ទៃក្នុង របស់គណបក្សខ្លួនឱ្យបានចប់
ភ្នំពេញ៖ នាព្រឹកថ្ងៃព្រហស្បតិ៍ ទី១៩ ខែធ្នូ ឆ្នាំ២០១៩នេះ ក្រសួងមហាផ្ទៃ បានចេញលិខិតទូល ថ្វាយសម្តេច ក្រុមព្រះ ព្រះប្រធានគណបក្សហ៊្វុនស៊ិនប៉ិច ស្នើសុំ ពន្យារពេលការរៀបចំធ្វើសមាជវិសាមញ្ញរបស់គណបក្សជាបណ្តោះអាសន្ន ក្រោយពេល ធ្វើការ សម្របសម្រួលដោះស្រាយបញ្ហាផ្ទៃក្នុងរបស់គណបក្សខ្លួនឱ្យបានចប់សព្វគ្រប់ជាមុនសិន។
ទន្ទឹមនឹងនេះ ក្រសួងមហាផ្ទៃ ស្នើសុំឲ្យគណបក្ស ត្រូវអនុវត្តតាមប្រការ២៤ នៃលក្ខន្តិកៈរបស់ ខ្លួនដែលបានតម្កល់ទុកនៅក្រសួងមហាផ្ទៃ និងលិខិតលេខ១៥២៥ សជណ ចុះថ្ងៃទី១០ ខែកញ្ញា ឆ្នាំ២០១៨ របស់ក្រសួងមហាផ្ទៃ។
សូមបញ្ជាក់ថា គណបក្សហ៊្វុនស៊ិនប៉ិច ផ្ញើលិខិតជូនដំណឹងដល់ក្រសួងមហាផ្ទៃ ដើម្បីធ្វើសមាជវិសាមញ្ញរបស់ខ្លួន ដែលគ្រោងទុកនឹងរៀបចំឡើង នៅថ្ងៃទី២៣ ខែធ្នូ ឆ្នាំ២០១៩ ៕
