បង្ក្រាបមិនលុះថ្ងៃ!! មុខសញ្ញាជួញដូរគ្រឿងញៀនម្នាក់ ត្រូវនគរបាលខណ្ឌច្បារអំពៅឆ្មក់បង្ក្រាប

ភ្នំពេញ ៖ បទល្មើសគ្រឿងញៀនក្នុងខណ្ឌច្បារអំពៅ ត្រូវកម្លាំងនគរបាល នៃអធិការដ្ឋាននគរបាលខណ្ឌច្បារអំពៅ ធ្វើការឆ្មក់បង្ក្រាបជាបន្តបន្ទាប់ ។ ជាក់ស្ដែងនៅរសៀលថ្ងៃទី១៩ ខែធ្នូ ឆ្នាំ២០១៩នេះ លោកវរសេនីយ៍ត្រី ឡូ ភារម្យ អធិការរងទទួលផ្នែកបទល្មើសគ្រឿងញៀន ខណ្ឌច្បារអំពៅ រួមសហការជាមួយនគរបាលប៉ុស្ដិ៍ច្បារអំពៅ២ បានធ្វើការឆ្មក់បង្ក្រាបករណីមុខសញ្ញាជួញដូរគ្រឿងញៀនម្នាក់ ដោយដកហូតថ្នាំញៀន១៧កញ្ចប់ នៅចំណុចខ្ទមចាស់ទុកចោល ផ្លូវលំ ភូមិដើមចាន់១សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ។

លោកវរសេនីយ៍ត្រី ឡូ ភារម្យ អធិការរងទទួលផ្នែកបទល្មើសគ្រឿងញៀន បានឲ្យដឹងថា ជនសង្ស័យខាងលើមានឈ្មោះ ដាវ ហុង ហៅ ហុង ភេទ ប្រុស អាយុ ៣៤ ឆ្នាំ ជនជាតិ វៀតណាម មុខរបរមិនពិតប្រាកដ ស្នាក់នៅភូមិដើមចាន់១ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។
ចំណែកវត្ថុតាងដកហូតបានរួមមាន ៖
-ក្រាមពណ៍សថ្លា១៧កញ្ចប់ថង់តូច និងឧបករណ៍សម្រាប់ប្រើប្រាស់មួយចំនួន។

បច្ចុប្បន្ននេះ ជនសង្ស័យខាងលើត្រូវសមត្ថកិច្ចកសាងសុំណុំរឿងបញ្ចូនទៅអធិការដ្ឋាននគរបាលខណ្ឌច្បារអំពៅដើម្បីចាត់ការបន្តតាមនីតិវិធី ៕

Rrtt